Roncesvals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre a localidat navarra de Roncesvals. Ta atros emplegos se veiga Roncesvals (desambigación).

Roncesvals (en basco Orreaga, en castellano Roncesvalles, en francés Roncevaux, y oficialment Orreaga/Roncesvalles) ye un municipio situato en a Comunidat Foral de Navarra. Fa parte d'a comarca d'Auñamendi, merindat de Sangüesa y partiu chudicial d'Aoiz.

Roncesvals Roncesvalles Orreaga
Municipio de Navarra
Anvista d'o monesterio de Roncesvals.
Entidat  • Estau  • Comunidat  • Provincia  • Comarca	Municipio  Espanya  Navarra Navarra Auñamendi
Superficie	15,1 km²
Población  • Total	19 hab. (2013)
Altaria  • Meyana	923 m.
Alcalde	Luis Echeverría Echávarren
Codigo postal	31650
Coordenadas
Roncesvals Roncesvals en Navarra
Web oficial

A suya población ye de 26 habitants (2013) en una superficie de 15,10 km², con una densidat de población de 2,19 hab/km².

Toponimia

O toponimo Roncesvals s'ha quiesto interpretar a partir d'o latín RUMICIS VALLIS, con un chenitivo seguiu d'un nominativo. S'ha interpretau a sobén Roncesvalles como Val d'artos, a partir d'o basco Orreaga, "puesto con chinebros". Atras teorías dicen que se remonta a Erro-zabal, a plana de l'Erro, a val (val d'Erro) con a que ha estau relacionau.

Estió Rozaballes en 1050. En basco as variants son Orierriga (1284) y atras que apareixen en libros d'historia: Orierriaga, Orreaga y Orriaga.

O paso de pelegrins dende o norte fació romanzar o suyo nombre: Rozabal, Ronzaval, Roncesvals, Roncesvaux, d'a on provién o toponimo castellano Roncesvalles.

En os primers anyos d'o sieglo XII o nombre d'Orreaga-Roncesvals feba referencia a la plana y a la población d'orichen de l'actual Auritz-Burguet. Dimpués de fundar-se a Colechiata caleba distinguir entre a villa y o hespital, a villa se convertió en Auritz-Burguet y o hespital se quedó con o viello toponimo.

Cheografía

A localidat de Roncesvals se troba situada a 923 metros d'altaria dencima d'o livel d'a mar, a una distancia de 47 km d'a capital provincial, Pamplona.

Demografía

Evolución demografica

2012 2013 2014 2015 2016 2017 2018 2019 2020 - 26 - - - - - - -

2021 2022 2023 2024 2025 2026 2027 2028 - - 19 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007	Luis Echeverría Echavarren	Independient
2007–2011	Luis Echeverría Echavarren	Independient

Molimentos

Capiella de Sancti Spiritus de Roncesvals, con a ilesia de Sant Chaime de Roncesvals.

• Hespital de pelegrins de Roncesvals, establito por o rei Alifonso I o Batallero d'Aragón y por o bispe de Pamplona Sancho Larrosa (con apellido aragonés, d'o lugar de Larrosa). L'edificio actual ye un disenyo de l'arquitecto José Poudez de 1792 y se devantó en 1802-1807 en estilo neoclasico.
• Capiella de Sancti Spiritus de Roncesvals, un edificio d'o sieglo XII, que se diz seguntes a leyenda que se devantó en a honor d'os soldatos francos que morioron mientres a batalla de Roncesvals en 778. Por ixo tamién ye conoixito como Silo de Carlomagno.
• Ilesia de Sant Chaime de Roncesvals, una ilesia d'o sieglo XIII en estilo gotico que dica o sieglo XVIII estió a ilesia parroquial.
• Colechiata de Santa María de Roncesvals, devantata a prencipios d'o sieglo XIII en tiempos d'o rei Sancho VII de Navarra (qui la esleyó ta estar-ie apedacato) y perfecto eixemplar de l'arquitectura gotica. Fue reconstruita luego d'o suyo albandono a prencipios d'o sieglo XVII con elementos barrocos que ocultan parte d'a suya estructura gotica.
• Capiella de Sant Agostín de Roncesvals.

Se veiga tamién

• Lista de municipios de Navarra.

Vinclos externos

• Se veigan as imáchens de Commons sobre Roncesvals.
• Pachina web oficial de Roncesvals.
• (es) Información de Roncesvals en a pachina web d'o Gubierno de Navarra.

• Datos: Q917891
• Multimedia: Orreaga-Roncesvalles / Q917891