Auñamendi

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Auñamendi ye lo nombre que se da en as estadisticas oficials de Navarra a la comarca formata por las vals pirenencas centrals y occidentals de Navarra.

Auñamendi
Comarca de Navarra
Orbaiceta
•Municipios	16
Entidat  •Comunidat  •Provincia	Comarca  Navarra Navarra
Mapa de situación en Navarra

Ye una subdivisión de lo Pireneu de Navarra y tamién de la historica Merindat de Sangüesa (nomás que la val mes occidental, Esteríbar, perteneixeba a la Merindat de Pamplona).

Perteneixe a la zona bascofona de Navarra, fueras de los municipios d'Arce y Oroz-Betelu, que perteneixen a la zona mixta.

Auñamendi ye una palabra equivoca. Este toponimo ye prencipalment conoixito por estar lo nombre que recibe en basco lo Pic d'Anie. Este mont ye situato cheograficament fuera d'esta comarca y tamién fuera de las mugas de Navarra. Existe un segundo mont conoixito tamién como Auñamendi, lo Laurinak, que ye situato entre Val Carlos y la Baixa Navarra, en una de las mugas de la comarca d'Auñamendi. Existe atra acepción, de tipo chenerico ya que a los Pireneus en conchunto lis se conoix tamién como Auñamendi u Auñamendiak en basco. Como esta comarca agafa las vals pirenencas bascofablans ye probable que li dasen nombre por ixo.

Vals y municipios

Incluye d'ueste a este.

• Val d'Esteríbar:
  • Esteríbar.
• Val d'Erro:
  • Burguet.
  • Erro.
  • Roncesvals.
• Val Carlos
  • Val Carlos. (la unica localidat altonavarra en la vertient norte de los Pireneus)
• Val d'Arce:
  • Arze.
  • Oroz-Betelu.
• Val d'Ezcua:
  • Abaurrea de Suso.
  • Abaurrea de Chuso.
  • Aria.
  • Aribe.
  • Garayoa.
  • Garralda.
  • Orbaiceta
  • Orbara
  • Villanueva d'Ezcua.

• Datos: Q2873231