Ricardo Horno Alcorta
| Ricardo Horno Alcorta | |
|---|---|
| ???? – 1920 | |
| Precedito por | ???? |
| Succedito por | ???? |
| Naiximiento | 4 d'octubre de 1883 Illueca (Aranda, Aragón)
|
| Muerte | 15 d'abril de 1948 Zaragoza (comarca de Zaragoza, Aragón)
|
| Partito | Partido Conservador Renovación Española |
| Conchuche | Luisa Liria del Cacho. |
| Profesión | Medico, periodista y politico |
| Alma Máter | Universidat de Zaragoza |
Ricardo Horno Alcorta, naixito d'Illueca (Aranda) o 4 d'octubre de 1883 y muerto en Zaragoza (comarca de Zaragoza) o 15 d'abril de 1948, estió un medico, periodista y politico aragonés.
Formato en a Universidat de Zaragoza, se licencia en 1906, treballando como medico en primeras en Lekunberri (Navarra) y dimpués en a o Burgo d'Ebro, ta tresladar-se enta Zaragoza en 1909. Dende alavez prencipió una exitosa carrera medica, incluindo-ie o suyo doctorato en 1911, y educativa, estando profesor auxiliar en primeras en a Universidat de Cádiz y dimpués en a Universidat de Zaragoza. Dende 1932 albandonó l'almostranza, encara que ya heba dentrato en a Reyal Academia de Medicina (n'estió president dende 1943). Tamién fació parte de quantas organizacions medicas internacionals.
Heba establito en 1905 a revista Clínica y Laboratorio, quan encara yera estudiant, revista que continó a suya publicación dica meyatos d'os anyos 1960, a revista de tematica medica aragonesa de mayor durada.
Antiparte, desembolicó tamién una destacata carrera politica en as filas d'o Partido Conservador, a on se i heba afiliato por a suya ideyolochía monarquica. Estió president d'o partito en Zaragoza, amás de dirichir a suya publicación, Lealtad. Deputato en a Deputación Provincial de Zaragoza por Ateca y Calatayú, estió dimpués rechidor y mesmo alcalde de Zaragoza a on empentó o desembolique de prochectos como o realfaltau d'as carreras d'a ciudat, a reorganización d'a beneficiencia municipal y a construcción d'o edificio de Correos y presentando a suya dimisión en 1920 como protesta por a vaga de 1920 a on morioron tres tecnicos municipals quan treballaban. Mientres a Segunda Republica Espanyola estió o president d'o partito Renovación Española en Zaragoza.
Vinclos externosEditar
- (es) Ricardo Horno Alcorta en a Gran Enciclopedia Aragonesa.