Cuartels de Hyde Park (Sydney)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| cuartels de Hyde Park | |
|---|---|
 Frontera dende Macquarie Street
| |
| Situación | |
| Coordenatas | {{{Coordenadas}}} |
| País |  Australia
|
| Ciudat | Sydney |
| Información cheneral | |
| Tipo | {{{Tipo}}} |
| Director | |
| Construcción | |
| Debantadera | 28 de noviembre de 1929 |
| Superficie | 2,16 hectarias |
| Horario | Ubierto diyariament 10:00 – 17:00. Zarrau Viernes Santo y Nadal. |
| Vesitants | |
| Adreza | Hyde Park, Macquarie Street, Sydney |
| Telefono | |
| Pachina web | Pachina oficial |
Os cuartels de Hyde Park (en anglés Hyde Park Barracks) de Sydney (Australia) son un espacio de memoria que fa parti d'o rete "Historic Houses Trust" que agrupa cuantos edificios historicos d'o estau australiano de Nueva Galas d'o Sud. L'edificio d'os cuartels, construyiu en 1819, tien una historia ligada a las diferents olas migratorias que arriboron a Australia dende o sieglo XIX. Actualment os cuartels de Hyde Park son un museu que amuestra a historia d'o espacio relacionada con a immigración.[1]
Historia
editarEn un prencipio, os cuartels yeran destinaus a acullir a os convictos britanicos que se ninviaban a Australia; posteriorment estioron punto de plegada d'as collas de mullers chóvens que arriboron d'Europa ta colonizar o país; mas tardi sirvioron d'asilo ta mullers viellas y desvalidas; y en zaguerías se convirtioron en seu d'o tribunal y en oficinas d'o gubierno de Nueva Galas d'o Sud. Actualment os cuartels de Hyde Park son un museu que amuestra a historia d'o espacio relacionada con a immigración.[1]
Dende que en 1770 o capitán James Cook de l'armada britanica desembarcó en as costas australianas, olas de migrants plegoron a ista isla habitada por aboríchens australianos dende 40.000 anyos antis. En primeras se i instaloron garcholas ta convictos britanicos y i plegaban colonos ta explotar os recursos naturals d'a zona. Se pueden trazar cuatre grans momentos migratorios enta Australia: as grans campanyas d'os buscadors d'oro de metat d'o sieglo XIX, as migracions de prencipios d'o sieglo XX, a plegada d'europeus dimpués d'a Segunda Guerra Mundial, y a immigración politica y economica de personas de tot o mundo dende a decada de 1970 dica hue.[1]
Patrimonio d'a Humanidat
editarEn chulio de 2010, en a 34ª sesión d'o Comité de Patrimonio d'a Unesco, os cuartels de Hyde Park y atros diez puestos d'Australia relacionaus con o transporte de presos fuoron inscritos como un grupo en a lista de Patrimonio d'a Humanidat con o nombre de Colonias penitenciarias australianas.[2] A lista ye composada por os 11 puestos actuals que representan "os millors eixemplos supervivients d'o transporte de presos a gran escala y a expansión colonial d'as potencias europeas a traviés d'a presencia y treballo de presos". D'entre os 11 puestos l'antiga Great North Road, l'antiga Casa d'o Gubierno en Parramatta y a isla Cockatoo tamién se troban en a rechión de Sydney.
Referencias
editar- ↑ 1,0 1,1 1,2 (ca) Casernes de Hyde Park. Memorial Democràtic. Gencat. 7 de chinero de 2017
- ↑ (en) "UNESCO World Heritage Centre – World Heritage Committee inscribes seven cultural sites on World Heritage List". UNESCO World Heritage Centre website. United Nations. 31 July 2010. http://whc.unesco.org/en/news/642. Retrieved 17 de setiembre de 2010.
Datos: Q1577600
Multimedia: Hyde Park Barracks, Sydney / Q1577600
