Hyde Park (Sydney)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre un parque de Sydney. Ta atros usos se veiga Hyde Park.
| Hyde Park | |
|---|---|
 | |
| Administración | |
| Estau | |
| País |  Australia
|
| Ciudat | Sydney |
| ' | |
| ' | |
| Datos chenerals | |
| Nombre oficial | ' |
| Atros nombres | ' |
| Tipo | Urbán |
| Grandaria | 16,2 hectarias |
| Debantadera | 3 de mayo de 1878 |
| Operador | |
| Vesitants | |
| Estatus | |
  Situación en Sydney | |
Hyde Park ye o parque mas antigo d'Australia,[1] con una superficie de 16,2 ha se troba en o districto d'o centro d'afers de Sydney, Nueva Galas d'o Sud. Hyde Park ye situau a l'este d'o centro de Sydney. Ye o mas meridional d'un conchunto de parques que s'estendilla dica o norte, a cantos d'a badía de Sydney, conectando con The Domain y o Reyal Chardín Botanico de Sydney. Hyde Park tien alto u baixo una forma rectangular, estando recto o suyo extremo meridional y redondiau o suyo extremo septentrional. Ye amugau l'ueste por Elizabeth Street, a l'este por College Street, a o norte por St. James Road y Prince Albert Road y a o sud por Liverpool Street.[1]
En a redolada d'o parque se troban a Cort Suprema de Nueva Galas d'o Sud, a ilesia de Sant Chaime, os cuartels de Hyde Park y o hespital de Sydney a o norte, a seu de Santa María de Sydney, o Museu australiano y a Escuela de Gramatica de Sydney a l'este, o Downing Centre a o sud y os grans almagacens David Jones Limited y o CBD a l'ueste. Ye dividido en dos por Park Street, carrera que lo trescruza d'ueste ta este. Hyde Park contiene polius chardins y alto u baixo 580 especies d'árbols; entre as que destacan o Ficus microcarpa (especie de figuera),[2] as palmeras y atras variedaz. Ye famoso por as suyas grans avenidas de figueras. Os chardins de Sandringham se troban en a parti este d'o parque, amán d'a intersección entre Park Street y College Street.
Historia
editar
Hyde Park fue nombrau orichinalment por o Hyde Park en Londres. O parque ye pleno de canalizacions que baixan enta o conoixiu como Busby's Bore, en o que estió o primer intento de fer un sistema d'alcantarillau ta proveer d'augua a la colonia. Busby's Bore fue construyiu entre 1827 y 1837 por treballadors presos trayendo augua d'o deposito de Lachlan Swamp (dimpués conoixiu como Centennial Park) enta a ciudat.[3]
Dende os primers días d'a colonia, l'aria ubierta a o sudeste de l'asentamiento yera o puesto favorito d'os suyos habitadors ta practicar esporte y pasar o suyo tiempo libre. Yera conoixiu popularment como 'The Common', 'Exercising Ground', 'Cricket Ground' y 'Race Course'. O 13 d'octubre de 1810, o gubernador Macquarie deseparó ista zona de The Domain a o norte, clamando-la Hyde Park y adedicando-la a "l'ocio y recreo d'os habitants d'a ciudat y campo d'eixercicios ta as tropas". Mantenió d'atra man The Domain ta o suyo uso exclusivo.[3]
S'han chugau muitos esportes en Hyde Park, incluyindo o cricket, o rugby, as cursas de caballos, quoits y hurling. Os esportistas que feban servir os campos de chuego heban de compartir-los con o eixercito, que entrenaban y feban maniobras militars, o publico cheneral, que alcorzaban entre os campos de chuego y diferents animals como cans, vacas, crabas u uellas. A vegadas unas actividaz chocaban con atras. Asinas por eixemplo os chugadors de quoit gosaban fer servir un aria amanada a o campo de cricket, afectando un chuego a l'atro.[3]
En 2005 se troboron un gran numero d'árbols afectaus por malautías que s'habioron de tallar.[4] Dimpués d'una serie d'investigación se veyió que gran parti d'os árbols yeran infectaus por dica tres especies diferents de fongos. En 2006, un plan de chestión d'os árbols recomendó eliminar dica 230 árbols malautos que serán reemplazaus con o tiempo.[1]
Referencias
editar- ↑ 1,0 1,1 1,2 (en) "Hyde Park: Plan of Management and Masterplan". Sydney City Council. Octubre de 2006. pp. 7–11. http://www.cityofsydney.nsw.gov.au/__data/assets/pdf_file/0008/138761/Vol1_HydePark_PoMAndMasterplan_Oct2006.pdf. Retrieved 7 de setiembre de 2012.
- ↑ (en) . http://www.cityofsydney.nsw.gov.au/vision/major-projects/parks-and-playgrounds/hyde-park-tree-plan.
- ↑ 3,0 3,1 3,2 (en) "History of Hyde Park". City of Sydney. 29 de noviembre de 2010. http://history.cityofsydney.nsw.gov.au/waterexhibition/WaterSupplySewerage/BusbyBore.html. Retrieved 2 d'agosto de 2013.
- ↑ (en) . http://www.smh.com.au/news/national/hyde-park-figs-trees-face-the-chop/2005/09/16/1126750106113.html.
Vinclos externos
editar- (en) Hyde Park, Dictionary of Sydney. Anne-Maree Whitaker. 2008.
Datos: Q1144894
Multimedia: Hyde Park, Sydney / Q1144894
