Abrir menú principal

Portillón de Benás

(Reendrezato dende Puerto de Benás)
Portillón de Benás
Port de Vénasque
Hospice de France cirque Port de Venasque (3).JPG
Situación
País Flag of Aragon.svg Aragón
Flag of Occitania.svg Occitania
De
ta
Val de Benás (Benás)
Val de la Pique (Banyeras de Luixón)
Datos chenerals
Altaria 2.444 m
Trazato /
construyito en
{{{calendata}}}
Maxima costera {{{costera}}} %
Longaria {{{longaria}}} km
Tipo Camín d'alta montanya
Zarrato
d'hibierno
Mapa
Perineu Aragonés (orografía).png
Map marker icon – Nicolas Mollet – Mountain Pass – Nature – white.png

O portillón de Benás u puerto de Benás (en francés Port de Vénasque, en castellán Portillón de Benasque) ye un puerto de montanya d'os Pireneus situau a una altaria de 2.444 metros entre a tuca Salvaguardia (2.736 m) y a tuca de la Mina (2.708 m).

Une a val de Benás con a val de la Pique.

CheografíaEditar

O portillón de Benás se troba en a muga entre Aragón y Francia, en a cresta formada entre a tuca Salvaguardia (2.736 m) y a tuca de la Mina (2.708 m).

Dende Francia conecta con a val de la Pique, a traviés de camins d'alta montanya y trescruzando o ibons de Benás y o cubilar de Benás (en francés refuge de Vénasque). Por o costau aragonés conecta a val de l'Esera chusto debant d'o macizo de la Maladeta y os suyos prencipals picos: a tuca de la Maladeta, o mont Maldito y a tuca d'Aneto; deixando o Hespital de Benás enta l'ueste.

HistoriaEditar

 
Rota enta o portillón de Benás, dende o Hespital de Francia, en 1875, fotografía d'Eugène Trutat
 
O mesmo camín en 2010
 
Fita d'información situada en o puerto.

O portillón de Benás ha estau emplegau dende fa sieglos ta as comunicacions entre Aragon y a val de Luixón. Manimenos, d'antis mas y mientres muito tiempo s'estimaba mas de fer servir o puerto de la Glera, dito tamién Puerto viello, situau mas a l'ueste y de mas fácil acceso, dica que o portillón de Benás fue adaptau, pareixe que por as ordens d'un conte de Comenche, arredol de l'anyo 1325 y con a fin de poder estar emplegau por un caballo montau por o suyo caballero, decindo-se dende alavez Puerto nuevo. O puerto ha estau emplegau por a-saber-los exercitos, dende os Romans, dica os exercitos d'a guerra d'o Francés y por os guerrilleros anti-franquistas mientres a tentativa d'invasión d'a Val d'Arán en 1944, asinas como por os comerciants y os contrabandistas, por o que ye fuent de numerosas leyendas.

O portillón de Benás yera un puesto de gambada prou freqüent entre a sociedat luixonesa d'o sieglo XIX, y encara ye un puesto de paso obligau ta os excursionistas y escaladors que vienen dende Francia en dirección a o macizo de la Maladeta, a Lardana y en l'atro sentiu ta acceder a las montanyas d'a redolada de Banyeras de Luixón. O bibliofilo y "inventor d'o pireneismo" Henri Beraldi (Cent ans aux Pyrénées) deciba que i heba pasau cient vegadas, lo que probablement no constituye un record. Dende aquí un sendero leva ascape dica a cima d'a tuca Salvaguardia.

Francisco Cabellud estió, dica a segunda metat d'o sieglo XIX, a fegura indiscutible d'o puerto de Benás. En sus orichens tintorero en a villa de Benás, obtuvo en 1865 a concesión d'un albergue, un poquet por debaixo d'a cima d'o collau, en o costau aragonés. Os turistas que en pasaban no gosaban aturar-sen a refrescar-sen en a tabierna de Cabellud. A mayoría no quereban pagar l'alto pre que costaba astí un vaso de vin de mala calidat, mientres que os amigos d'o tabiernero, en cheneral as grans feguras d'o pireneismo, teneban dreito a beber-sen as buenas botellas. Estió tamién o mesmo qui prencipió a cobrar un peache d'una peceta a totz aquells que queresen emplegar o camín ta puyar a la cima. Os benasqueses prencipioron por iste motivo a decir a la mesma Salvaguardia pico Cabellud. D'hibierno, quan la nieve feba imposible o transito por o puerto, l'albergue se feba servir de cubilar: en 1904, ta a primera puyada con esquís a l'Aneto, o equipo composau por Louis Robach, Falisse, Aubry, Heïd, Basset dentró en l'albergue enronau por a nieu en crebando una finestra. Más tardi fue definitivament abandonau enta 1930 con l'apertura d'o cubilar de la Renclusa a os pietz d'a Maladeta, espaldando-se luego. As suyas ruinas encara son visibles.

Continando con a suya tradición de puesto de paso entre Francia y Aragón, o portillón d Benás a estau l'obcheto d'estudeos de quantos prochetos de túnels internacionals, primero ferroviario en o sieglo XIX[1] y simpués carretero a partir d'a segunda metat d'o sieglo XX[2].

PuyadaEditar

 
Os ibons de Benás
 
O portillón de Benás a meyaus d'o sieglo XIX, por Joseph Latour.

Salindo dende o costau occitán s'ha de pasar por una crepaza prou estreita en a paret rocosa a la que s'accede dende o Hespital de Francia, puyando por a val d'o río Pique, a traviés d'un sendero pleno de remeranzas d'atros tiempos: la dita Trou des Chaudronniers (en francés Forau d'os Calderers) marca por eixemplo o puesto a on morioron uns calderers auverneses que marchaban enta Espanya. Una mica mas entabant, a cabanya de l'Homme debe o suyo nombre a una roca aquí situada, que podría estar o recuerdo d'un homicidio (as leyendas de barallas entre duaners y contrabandistas en o puerto son a-saber-las). Os ibons de Benás (Boums en o dialecto luixonés), situaus a o piet d'a tuca Salvaguardia, son tres y desembocan succesivament l'uno en l'atro. O cubilar de Benás fue instalau a cantos d'o ibón central. En o zaguer trampo dica o collau, o sendero, que fa a-saber-las revueltas, fue preparau por as dos versants por as tropas de Napolión Bonaparte con l'obchectivo de permitir o paso d'as mulas de carga en a suya ocupación d'Espanya. Feba ta par d'alavez parti d'a carretera nacional 125 que veniba dende Tolosa. Dende a breca bi ha una sobrebuena anvista d'o macizo de la Maladeta y a tuca d'Aneto.

En continar enta l'este s'arriba ta o puerto de la Picada, que mos aduga quan lo trescruzamos enta o paso dera Escaleta, que leva un atra vegada enta territorio francés, podendo-nos endrezar enta la val d'Arán por o paso dera Monjòia u baixar enta o norte a traviés d'a plana de Campsaure y os suyos praus, tornando enta o Hespital de Francia.

En baixando o puerto dica o sud s'arriba a la val de l'Esera y dimpués puyando por l'atro costau plegamos enta o cubilar de la Renclusa, punto de partida d'as puyadas a la Maladeta, o Mont Maldito y l'Aneto. Baixando a val de l'Esera enta l'ueste, arribamos a l'antigo Hespital de Benás, actualment convertiu en un hotel, y dimpués a la villa de Benás.

ReferenciasEditar

BibliografíaEditar

  • Henri Beraldi, Cent ans aux Pyrénées, Paris, 1898-1904, sept volumes in-8°, reedición por «Les Amis du livre pyrénéen», Pau, 1977, dimpués por a «Librairie des Pyrénées et de Gascogne», Pau, 2001

Vinclos externosEditar