Pseudonimo
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un pseudonimo (d'o griego pseudos, "falso", y onoma, "nombre") ye o nombre que se da chenericament a o "falso nombre" que s'emplega t'amagar o nombre propio quan se considera que no ye convenient que sia conoixito publicament.
S'esferencia de raso d'a embotada en que ista no ye librement esleita por qui la porta, sino que li ye imposata por tercers; o pseudonimo ye esleito librement por qui l'emplega.
A existencia d'os pseudonimos ye prou antiga, y ha esdevenito una practica que se fa a ormino en quantos ambitos.
En a literaturaEditar
Uno d'os ambitos mas antigos d'emplego d'un pseudonimo ye en o campo d'a Literatura, emplegando-se en quantas luengas ta referir-se a ista traza de pseudonimo o galicismo de nom de plume (nombre de pluma en aragonés).
En as artes scenicas y en o cineEditar
A practica de fer servir un pseudonimo s'adoptó a o mundo d'o teatro, d'a on pasó enta o mundo d'o Cine. Ista traza de pseudonimo se diz nombre artistico.
En a vida politica u belicaEditar
En situacions politicas u belicas de clandestinidat, tamién s'emplegan pseudonimos. recibindo en iste caso o nombre de nombre de guerra en quantas luengas. Son prou conoixitos os pseudonimos de melitants bolcheviques en zaguerías de l'Imperio Ruso y mientres a Revolución rusa, como Lenin, Stalin, Trotsky, u Molotov. Tamién s'emplegó muito en a Francia ocupata por os alemans mientres a Segunda Guerra Mundial, u en a Guerra d'o Francés por os guerrillers que luitaban contra l'Exercito francés. En Aragón s'emplegoron por os maquis en a suya luita contra o franquismo, como estió o caso d'o conoixito como O mayestro d'Agüero, Ángel Fuertes Vidosa, que yera naixito d'Agüero.
En o mundo d'a delinqüenciaEditar
En o mundo d'a delinqüencia tamién se fan servir os pseudonimos, ditos en iste campo alias. Ye una conoixita practica d'a Mafia, pero tamién de qualsiquier traza de delinqüents.
En a informaticaEditar
En a informatica, mas que mas en a presencia publica d'os usuarios en o rete, tamién s'emplegan os pseudonimos, encara que en iste caso se gosa denominar-los a sobén con l'anglicismo de nick.