Abrir menú principal

Pasau perfecto fuerte en aragonés

Verbos irregulars
en aragonés

Por diftongación d'a radiz

Acabaus en -iar (no freqüentativos)
Acabaus en -iar (freqüentativos)
Acabaus en -nyer u -nyir
Acabaus en -uir
Acabaus en -ducir

Con epentesi antihiatica
Acabaus en -yer
Acabaus en -yir

Participios fuertes
Pasaus perfectos fuertes

O pasau perfecto fuerte en aragonés se troba en bell verbo irregular como herencio d'o tema de perfecto en o verbo latín d'o que proviene y presenta l'accentuación en a radiz en cuenta d'en a desinencia. Son usuals en l'aragonés d'o semontano (aragonés meridional) y d'o Prepireneu (transición entre l'aragonés meridional y os dialectos de cada val. Tamién yeran os usuals en l'aragonés medieval y a literatura alchamiada.

Verbos que presentan pasaus perfectos fuertes en l'aragonés actual son: haber, decir, fer, poder, querer, tener, trayer, veyer, fer y atros.

Os pasaus perfectos fuertes en l'aragonés representan un problema d'interpretación, car en as vals d'o Pireneu Axial, on se charran as parlas aragonesas més arcaizants y millor conservadas no se fan servir y son as formas febles derivadas con regularidat d'o infinitivo as formas usuals.

Ye posible que en aragonés existise una tendencia a fer regulars estos pasaus pero que a interferencia con o castellán, on se mantienen bien os pasaus fuertes d'os verbos irregulars, fese que no acabasen por desapareixer como en as vals d'o Pireneu Axial. O feito que os pasaus fuertes con -x- sigan castellanizaus con -j- velar castellana refirmaría este punto de vista.

En a literatura alchamiada y en o castellán d'Aragón se produce o curioso efecto que o cherundio se construye a partir d'a radiz d'o pasau perfecto fuerte: quisiendo, dixendo, ficiendo, (dijendo, hiciendo en castellán d'Aragón), ecetra.

Presona Pasau perfecto fuerte Pasau perfecto feble
1ª Sing. Tuve Ten
2ª Sing. Tuves Teniés
3ª Sing. Tuvo Ten
1ª Plur. Tuvemos Teniemos
2ª Plur. Túvetz Tenietz
3ª Plur. Tubon Tenio(ro)n

Pasaus fuertes con -x-Editar

Beluns d'estos verbos irregulars como trayer, decir y os acabaus en ducir presentaban os pasaus perfectos fuertes con una -x- intervocalica en aragonés medieval (ell dixo), y actualment presentan o fonema velar d'a -j- castellana, que en a grafía actual de l'aragonés se representa como una -h-: tú trúhes, tú díhes.

Os verbos irregulars acabaus en -ducir presentaban pasaus perfectos fuertes en aragonés medieval tipo: yo aduxe, ell aduxo.

Pasaus fuertes con -u-Editar

Muitos d'estos verbos irregulars presentan una -u- en o pasau fuerte:

  • Haber: yo hube
  • Poder: yo pude
  • Tener: yo tuve
  • Trayer: yo truhe (castellanización de yo truxe)

Pasaus fuertes con -i-Editar

Bell verbo irregular con pasau fuerte presenta una -i-:

  • Decir: yo dihe (castellanización de yo dixe)
  • Fer: yo fice
  • Querer: yo quise
  • Venir: yo vine
  • Veyer: yo vide

ReferenciasEditar

BibliografíaEditar