Parque Miguel Serveto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Parque Miguel Serveto
Anvista d'o molimento d'As Paixaritas
Administración
Estau
País	Aragón
Ciudat	Uesca
'
'
Datos chenerals
Nombre oficial	Parque Miguel Servet
Atros nombres	O Parque
Tipo	Urbán
Grandaria	6,95 hectarias
Debantadera	1928
Operador
Vesitants
Estatus

O parque Miguel Serveto de Uesca (Aragón) ye o parque mas gran y un d'os mas antigos d'a ciudat. A suya construcción s'encetó en 1928 y conta con una gran variedat de plantas, dende as muit comunas dica atras orichinarias de China y Chapón, como ye o ginkgo. Tamién podemos trobar animals como patos, aucas u cisnes adentro d'os basetons. O parque con molimentos commemorativos, d'os cuals cal destacar Las Pajaritas ("As paixaricas"), obra de Ramón Acín, que son consideratas uno d'os simbolos d'a ciudat.

Historia

Anteriorment a la construcción d'o parque municipal, se trobaban en ixa zona os antigos chardins d'os Lastanosa, familia que poseyeba un palacio que estió esboldregau a zaguers d'o sieglo XIX. O 16 de marzo de 1928 s'aprebó a construcción d'o parque sobre ista zona d'a ciudat y o concello de Uesca expropió mas de 3,76 hectarias d'hortal y chardín.

O parque Miguel Serveto s'empecipió a construir en l'anyo 1928. Estió disenyado por Antonio Uceda, Bruno Farina y Santos Coarasa y chunto a éls colabororon l'arquitecto José Luis de León y l'artista Ramón Acín. O catalán Domingo Vidal, chardinero diplomato, endrezó a construcción floral d'o parque con l'aduya de cuantos labradors.

A devantadera oficial d'o parque estió en 1930, manimenos encara no s'heba decidiu dedicar o parque a Miguel Serveto. Estió en l'anyo siguient, cuan o concello aprebó a ideya de José Jarné de meter-le a o parque o nombre d'iste teologo y cientifico espanyol.

En os anyos 60, con Emilio Miravé d'alcalde y José Antonio Planas de concellero de Parques y Chardins, s'aprebó o prochecto d'enamplar o parque ent'o sudueste. S'ocuporon mas terrenos d'hortals y d'ista traza o parque uniba a zona d'ixample de Uesca con o centro historico. Con ista ampliación se creyoron nuevos elementos y s'adhibió mas naturaleza. Dimpués d'a expansión o parque ocupaba 6,95 hectarias.

Puntos d'intrés

As paixaricas

Ista obra estió disenyada en 1928 por Ramón Acín y hue s'ha convertiu en un simbolo para a ciudat de Uesca. Iste monumento artistico ye dedicau a la papiroflexia.

O quiosco d'a musica

Ye situau frent a la dentrada prencipal d'o parque, en a carrera Rioja. Cuan se devantó, ista estructura yera destinada a las actuacions d'a Banda Municipal, pero en l'actualidat s'usa ta diferents actividaz.

A caseta de Blancanieu

Ye una reproducción d'a casa d'os siet enanos d'a cinta de Blancanieu. Iste aria d'o parque ye destinada a os ninos y de cabo cuan se realizan cualques actividaz. A o costau d'a caseta podemos veyer un recholau con a imachen de Blancanieu y os enanos y un medallón con o retrato de Walt Disney realizau por José María Aventín. Chunto a istos, un basetón de nenufars. Tota ista zona d'o parque ye rodiada d'un conchunto de pin borde.

A rosaleda

Ye una zona circular a o costau d'a casa de Blancanieu con cuantas cadieras y una chicota fuent con una estructura metalica.

Estatua d'os reis pirenencos

Ista estatua, trobada frent a la dentrada d'o parque en a carrera Chuan XXIII, se realizó en memoria a os reis d'orichen pirenenco. Ye una obra de César Montaña, seguntes lo estilo de Pablo Gargallo por a suya composición en metal. Baixo ella i hai una estructura rocosa que representa a o Pireneu.

Esporte

O parque ye un lugar ideyal ta fer esporte, cal destacar que en él se fa lo Memorial Jesús Luis Alós, una historica prueba de campo a traviesa y d'as cuals tienen una millor paretecipación d'atletas d'alto livel d'as que se fan en Aragón.

Vinclos externos

• Se veigan as imáchens de Commons sobre o Parque Miguel Serveto.
• (es) Pachina web oficial municipal de Uesca.

• Datos: Q16616230
• Multimedia: Parque Miguel Servet / Q16616230