Pantera (desambigación)

Una pantera (a traviés d'o latín <PANTHERA, dende o griego πάν, pan-, tot, y θηρ, thérios, bestia u fiera, en o sentiu de «fiera de tot» u «bestia total») ye o nombre popular que pueden recibir diferents especies de felidos de mida mediana u gran, normalment d'especies que pertenecen a la subfamilia d'os panterins (sacando os lions y tigres), que en diferents culturas se percibe como potencials depredadors de l'Hombre.

Eixemplar de color melanica de leopardo (Panthera pardus), conoixius popularment como panteras negras.

A parola s'asocia especialment con a pantera negra, que ye o nombre popular que reciben os eixemplars con melanismo (color negra) de determinadas especies como o leopardo (Panthera pardus), o yaguar (Panthera onca) y o puma (Puma concolor), pero tamién se puede emplegar con os eixemplars de pigmentación normal.

Pantera puede fer referencia a:

Animals

• O chenero Panthera, un chenero de felidos panterins que concabe diferents especies que pueden recibir iste nombre popular.
• O leopardo (Panthera pardus), un felido d'ixe chenero que recibe mas asobén o nombre de pantera.
  • Os eixemplars melanicos (negros) de leopardo, que se conoix especialment como panteras negras.
• O yaguar (Panthera onca), d'aspecto pareixiu a l'anterior y que por ixo recibe tamién ixe nombre.
• A pantera d'as nieus (Panthera uncia), un felido parient proximo d'es dos anteriors, que habita en as montanyas d'Asia central.
• As dos especies conoixidas de panteras nebulosas, que se clasifica en o chenero Neofelis.
  • Neofelis nebulosa - Pantera nebulosa común.
  • Neofelis diardi - Pantera nebulosa de Borneo.

Musica

• A banda de heavy metal estatounitense Pantera.

Se veiga tamién

• Leopardo (desambigación).
• Gato (desambigación).
• Cerval.
• Lión (desambigación).
• Gatopardo (desambigación).