Melanismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O melanismo (de o griego <μέλανος, melános, "negro") ye un exceso de pigmentación fusca en a piel d'un animal, una población d'animals u un grupo, causada por un exceso de melanina que ye consecuencia d'una variación chenetica heredable, la cual cosa gosa traducir-se en que a piel y o pelo u as plumas de l'animal tienen color negra en apariencia.
Anque posiblement os casos de melanismo en especies diversas pueden responder a mutacions diferents, se sabe que en felidos y radedors obedeix a mutacions en o chen MCR1 (Agouti).
Melanismo industrial editar
O melanismo industrial ye una forma de melanismo que se veye reforzada por a sedimentación de fullín que renegreixen as paretz y as construccions en ciudatz y arias industrializadas. cualques animals pueden trobar avantallas pa mimetizar-se con ixes fundos renegrius si presentan casualment melanismo, por o que o numero d'eixemplars con melanismo tiende a puyar proporcionalment entre as poblacions que habitan en zonas industrializadas contra las salvaches.
Iste fenomeno ya l'advirtió Charles Darwin en o sieglo XIX en a palometa Biston betularia. As poblacions d'ixa especie que viviban en zonas industrials d'Anglaterra teneban un numero muito mas gran d'individos de color negra (melanicos) que as poblacions naturals d'as selvas.