Cerval

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cerval, gato cerval u mesmo lobo cerval son tres denominacions tradicionals que fan referencia a cualques especies de felins, mas grans de mida que un gato montesino convencional, con un aspecto fisico muit particular, a os qui la cultura popular europea ha atribuiu caracteristicas especials y en bels casos miticas. En cheneral, a palabra cerval fa referencia a las especies d'o chenero Lynx, que por vía periculta pueden denominar-se tamién linces.

O termino cerval tiene buena cosa de tradición en as luengas iberorromances y yera con diferencia lo mas común en as romances medievals pa referir-se a istos animals. A palabra lince, por contra, ye un cultismo d'adopción recient. En l'Alto Aragón o zoonimo cerval ha quedau posiblement relicto, como parte de o vocabulario propio d'a luenga aragonesa, mientres que en a resta d'iberorromances (con a excepción d'o portugués) ye caíta en progresivo desuso frente a o termino lince.

Etimolochía

A palabra cerval amaneix en primeras como adchectivo, y significa literalment «que tiene relación con o ciervo». En latín clasico se troba nombraus LUPUS CERVALIS (lit. «lobo de ciervo») en cuasi todas as fuents, escomenzando con a obra de Plinio. A especie Lynx lynx, que arriba a os 30 kg de peso, s'ha documentau cazando cervidos de tamanyo chicot, como cuerzos u eventualment bel cervichón. Iste comportamiento depredador sobre os ungulaus podría estar en a radiz d'a denominación romana, encara que obviando que no ye un canido.

A desparte d'as especies Lynx, existe tamién unatro felino que se conoix con un nombre derivau d'isto: o serval (Leptailurus serval). En iste caso se tracta d'un felino d'Africa que fue baptizau por os portugueses por o suyo pareixiu con os cervals d'a suya tierra de procedencia.

Se veiga tamién

Datos: Q65396228