Graner
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un graner u granero (d'o latín <GRANARIUM) ye una borda u qualsiquier atro tipo de construcción cubillada destinada principalment a almagazenar o grano (cerial).
Os graners son puestos que se mira de guardar bien contra las incursions d'animals granivoros y oportunistas, como ratons, gurrions y insectos, por o que tienen pocos foratos en as suyas superficies (sin finestras u con pocas, chicorronas y alteras) y se mira ta cudiar que tiengan puertas que cierren o mas hermeticament posible. Por ixa razón, a construcción de graners s'ha diu adaptanto a cada epoca, aprofitando a disponibilidat de materials y recursos arquitectonicos que servisen ta preservar millor o grano ta consumo humano.; p. ex. en l'actualidat ye común que tiengan a puerta metalica ta privar que os radedors puedan rosigar-la, s'arrebozan con cimento por adintro ta que no quede foratos en as paretz, etc.
Unatra d'as funcions importants ta las que s'ha de mirar quan se fa un graner ye privar a humedat, ta que o grano no se grille, o que le faría perder propiedatz, u críe cucos de palometa. Ta conseguir-lo, ye común que tiengan o suelo mas elevau que a tierra de l'exterior.
