Estallo (edificio)

Iste articlo tracta sobre o estallo, borda ta amallatar o ganau. Ta atros usos d'«estallo», se veiga Estallo (desambigación).

Un estallo (posiblement, d'o latín <STABULUM) ye una cabana u borda que ye exenta (fuera d'una población) y s'emplega ta amallatar u cubillar una cantidat limitada de ganau contra las eventualidatz de l'orache, siempre por periodos curtos de tiempo (bellas horas, una nueit, etc).

Un estallo contruiu en aprofitando o sallent d'una penya.

A caractería más envistable que permite identificar una cabana u borda como estallo ye a presencia d'un pesebre.

Os estallos se soleban construir en os arredols de bell camín u cabanyera que os ganaus fesen servir a sobén. Quan o estallo yera propiedat de totz os amos u más d'un de os que i heba en un lugar, o mantenimiento se feba a vicinal d'entre totz.

En comparanza con belatros tipos de construccions agropecuarias, os estallos gosan tener bell pesebre de piedra, a on que se les daba pastura a os animals. A sobén en l'interior i ha tamién rastilleras y bells atros elementos que se relacionan clarament con l'alimentación y mantenimiento d'os animals.

En l'actualidat, a mayoría d'estallos que se troba en l'Alto Aragón son desusaus, muitos, oblidaus por os ganaders de a redolada, s'arrodeyan cada vegada más de selva y se'n gosa trobar beluns dica espaldaus.

Imáchens

• 
• 

  Enrunas d'un estallo caiu.

Se veiga tamién

• Estallada
• Estallo
• Mallata
• Quadra
• Cort
• Corral
• Cabana
• Caseta