Ocho apellidos catalanes
Ocho apellidos catalanes (títol orichinal en castellano, en aragonés Ueito apellius catalans, enguerada en Aragón con o suyo títol orichinal) ye una cinta de cine espanyol de cine de comedia romantica enguerada l'anyo 2015, dirichida por Emilio Martínez-Lázaro seguntes un guión orichinal de Borja Cobeaga y Diego San José, con una banda sonora orichinal de Roque Baños, una dirección de fotografía de Juan Molina Temboury, una producción cinematografica d'Álvaro Augustín, Ghislain Barrois y Gonzalo Salazar-Simpson ta las productoras Lazonafilms, Kowalski Films y Telecinco Cinema y un elenco formau por Dani Rovira, Clara Lago, Carmen Machi, Karra Elejalde, Rosa María Sardá, Berto Romero, Belén Cuesta, Alberto López López, Alfonso Sánchez Fernández, Josep Maria Riera, César Maroto, Esperanza Pedreño, Betsy Túrnez, Alain Hernández, Agustín Jiménez, Javi Chou, María Forqué, Ylenia López, Manuel Monteagudo, Carmen Frigolet, José Chaves, Sayago Ayuso, Cesc Casanovas, Jordi Llordella, Iolanda Muíños, Txabi Franquesa y Pep Sais, entre d'atros actors.
Ocho apellidos catalanes contina la historia de Ocho apellidos vascos (2014, Emilio Martínez-Lázaro), con os mesmos director y protagonistas. En ella Rafa s'ha deseparau d'Amaia y ha tornau en Sevilla, a on tanimientres vive enamorau d'ella. De rapiconte, plega en Sevilla Koldo, qui li explica que Amaia ye amán de casar-se con un catalán, Pau y que amenista ta la voda como regalo un "lauburu" que Rafa poseye y que ye un herencio familiar que s'ha d'entregar a qui se case con Amaia. Alavez Rafa decide marchar con Koldo enta lo ficticio lugar de Soronelles, en a provincia de Chirona, ta prebar de recuperar a Amaia, encara que teme a los catalans que son cuasi independients y odian a los andaluces. D'atra man, Koldo creye que ye Amaia qui ha abandonau a Rafa y él tamién quiere recuperar a Merche, qui tamién se presenta en a masía a on se celebrará la voda. Cuan plegan descubren que Pau ha preparau un plan ta fer creyer a su avuela, Roser, que Catalunya ha declarau a suya independencia, que ye un país destacau en o mundo y que la suya estará la primera voda d'a nueva Catalunya independient. Qui organiza la voda ye Judit, una gallega que se fa pasar por catalana y que ye enamorada en secreto de Pau, decidindo aduyar a Rafa a recuperar a Amaia.
A cinta s'ambienta en a suya epoca actual (2005) en a provincia de Chirona, en Sevilla, en Madrit y en a provincia de Burgos y las suyas escenas se filmoron en Sevilla (provincia de Sevilla, Andalucía), Getaria (Guipuzcua, País Basco), Madrit (Comunidat de Madrit) y Monells en Cruïlles, Monells i Sant Sadurní de l'Heura, Chirona, Llagostera, Palafrugell y Vulpellac (provincia de Chirona, Catalunya).[2]
Se tracta d'una cinta que ha recibiu bels premios y nominacions, encara que garra d'éls no perteneixe a los premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) Ocho apellidos catalanes en Internet Movie Database.
- (en) Ocho apellidos catalanes en FilmAffinity.
Datos: Q20741638
