Nertobriga

(Reendrezau dende Nertobis)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nertobriga (en escritura iberica , en latín Nertobriga) estió una ciudat perteneixient a o pueblo celtibero d'os belos que se situaría en l'actual comarca de Val de Xalón (Aragón), entre as localidaz de Ricla, Calatorau y L'Almunia de Donya Godina. En o sieglo III apareixe relacionada en l'Itinerario Antonino A-24 y en l'Itinerario Antonino A-25 encabezado con o títol d'Alio itinere ab Emerita Cesaragustam 369 que significa "Un atro camín de Merida ta Zaragoza, 369 millas", entre as ciudaz de Bilbilis y Segontia.

Nertobriga
Ciudat celtibera
Entidat
 • País
 • Provincia
Ciudat
Celtiberia
Hispania Tarraconensis
Habitants Celtibers
Pueblo Belos
Actual Calatorau
Ricla
L'Almunia
Periodo Dica o sieglo V

As actuals ruinas y os recients descubrimientos d'o que estió a ciudat de Nertobriga se troban entre o termín municipal de Calatorau y L'Almunia de Donya Godina, ocupando más terreno d'iste zaguero.

Historia editar

A ocupación d'a zona se remonta a o menos a la Edat de Bronce Medio, como atestiguan as restas ceramicas trobadas en l'amanau chacimiento de Cabezo Chinchón, que estió habitau dica a primera Edat de Fierro[1] (sieglos VI-V aC).[2]

Nertobriga propiament dita naixerá en o seiglo IV aC, u talment una mica antis. Será una important ciudad celtiberica, como contrimuestra que se i cudiba en o sieglo III aC monedas de bronce en as que apareixe a fegura d'un chinet armau con lanza y con a leyenda Nertobis.[3]

En l'anyo 152 aC, mientres a segunda guerra celtibera, a ciudad se rindió debant d'o cónsul romano Marco Claudio Marcelo, qui chusto heba preso a ciudat vetona tamién dita Nertobriga antis de l'hibierno. Baixo o gubierno de Roma continó a suya existencia dica o sieglo V dC, trobando-se as suyas restas en os chacimientos de La Torre (Calatorau) y Puyrredondo-Virchen de Cabanyas (L'Almunia).

Estió en Nertobriga a on se dice que, en l'anyo 306, fuoron martirizaus os santos cristianos Sant Teopompo y Sant Sinesio, a os que encara hue en día se venera en l'amanada población de Ricla.

Referencias editar

  1. (es) Excavaciones arqueológicas en Nertobriga (La Almunia de Doña Godina, Zaragoza). Campaña de 2001. María Antonia Díaz Sanz y Manuel Medrano Marqués. Revista Salduie: Estudios de prehistoria y arqueología. Numero 2, 2002. Id = 1576-6454, 355-36.
  2. (es) La ciudad celta de Nertobriga
  3. (es) "Historia de España". M. Pidal, Espasa Calpe. 1982

Enlaces externos editar