Music Box (cinta)
Music Box (títol orichinal en anglés, en aragonés Caixa de musica, enguerada en Aragón con o suyo títol traduciu enta lo castellano como La caja de música) ye una cinta de cine estausunidense de cine de drama de chudicios enguerada l'anyo 1989, dirichida por Costa-Gavras seguntes un guión orichinal de Joe Eszterhas, con una banda sonora orichinal de Philippe Sarde, una dirección de fotografía de Patrick Blossier y una producción cinematografica d'Irwin Winkler ta la productora cinematografica Carolco Pictures. Conta con un elenco formau por Jessica Lange, Armin Mueller-Stahl, Frederic Forrest, Donald Moffat, Michael Rooker, Lukas Haas, James Zagel, Cheryl Lynn Bruce, Ned Schmidtke, Elżbieta Czyżewska, Sol Frieder, Magda Szekely Marburg, Michael Shillo y Mari Törőcsik, entre d'atros actors.
A cinta s'inspira en o caso real de John Demjanjuk, un criminal de guerra ucrainés, y la escribió lo guionista Joe Eszterhas, qui amostró lo guión a su pai y que 10 anyos dimpués conoixió que iste, lo conte István Esterházy, heba estau militant d'o Nyilaskeresztes Párt – Hungarista Mozgalom, un partiu politico faixista ultranacionalista responsable de l'asasinato masivo de chodigos y chitans mientres os dos zaguers anyos d'a Segunda Guerra Mundial en colaborando con o Tercer Reich, momento en o cual o guionista talló a ran a relación con su pai. En a cinta, Michael J. Laszlo ye un inmigrant procedent d'Hongría a qui s'heba concediu a nacionalidat estasunidense en 1952, y que en a epoca actual d'a cinta (1989) se troba acusau de greus crímens como miembro d'escuadrons d'a muerte en o suyo país d'orichen en 1944 y 1945. La suya filla, que ye abogada y que ha naixiu y viviu siempre en os Estaus Unius, decide estar a suya avogada defensora. En o chudicio se detallan poquet a poquet os greus crímens cometius, y los testigos senyalan con unanimidat a Michael J. Laszlo como lo responsable. Tanimientres, a suya filla contina creyendo en a inocencia de su pai y con habilidat (y l'aduya anonima de bels deconoixius que li aportan documentos) desmonta parcialment os testimonios. Uno d'os testigos se troba en un hespital en Budapest, y lo chuez, lo fiscal y l'avogada defensora marchan a Budapest ta recibir o suyo testimonio, trobando-se con que en realidat ya heba identificau d'antes mas a d'atras personas como responsables d'os crímens de que s'acusa a Michael J. Laszlo. Tanimientres, mientres ixa visita a Budapest, la filla visita a una muller, vídua d'un supuesto amigo de su pai a qui iste diz que li ampraba diners, y descubre que en realidat ixe "amigo" li feba chantache y que en realidat ye l'asasino con un gran curcuso en a cara que los testigos describiban como lo companyero inseparable de l'asasino que identifican con su pai. A tamas de tot ixo, en no poder probar suficientment os cargos, o chuez decide declarar inocent a Michael J. Laszlo.
A cinta s'ambienta en a suya epoca actual (1989) en as ciudaz de Chicago en Estaus Unius y Budapest en Hongría y las suyas escenas se filmoron en ixas mesmas localidaz y en os estudios Mafilm en Budapest.[2]
Se tracta d'una cinta que ha recibiu bels premios y nominacions, en destacando una nominación a los Premios Oscar en a suya 62ena edición a la Millor Actriz y una nominación a los Premios Globos d'Oro en a suya 47ena edición a la Millor Actriz Dramatica.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero de Music Box en Internet Movie Database.
- ↑ (en) Localizacions de Music Box en Internet Movie Database.
- ↑ (en) Music Box en Internet Movie Database.
Datos: Q1427849
