Mensa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mensa ye una organización ta personas con elevato cocient intelectual. Lo unico requisito d'admisión ye obtener una puntuación que siga en o 2% superior a la meya d'a población en un test d'intelichencia.

Introducción

Rolland Berrill, avogau australiano y Lancelot Ware, cientifico y churista anglés, fundón Mensa en Anglaterra en 1946. A ideya suya yera creyar una asociación de superdotatos, on fuese o coeficient intelectual lo solo requisito d'admisión. L'obchectivo orichinal, que contina estando lo mesmo, yera creyar una asociación aliena a cualsiquier mena de diferencias politicas, relichiosas, ideyolochicas u nacionals. Mensa chune a tota mena de personas de cualsiquier procedencia y formación con l'obchectibo de creyar un ambient socialment enriquidor. Mensa ademprivia como preba d'ingreso un certificato espedito por un psicologo debitament autorizato ta exercer a suya profesión y que siga capacitato ta fer prebas de coeficient intelectual.

Mensa tiene bels 100.000 socios en tot o mundo. O nombre d'a organización viene de lo latín mensa, «mesa», en referencia d'a “tabla redonda” d'o Rei Artús, como simbolo que ye un club con miembros que son iguals en dreitos y obligacions.

Paradochicament en parte de latinoamerica (Mexico, Guatemala, O Salvador, Honduras, Nicaragua, Ecuador, Chile u Costa Rica), menza (prenunciato mensa) i tiene coloquialment o significato de simple.

Obchectivos de Mensa

Mensa tiene tres obchectivos declaratos: identificar y promover a intelichencia en beneficio d'a humanidat; promover a investigación sobre a naturaleza, caracteristicas y aplicacions d'a intelichencia; y creyar un ambient social que fomente l'actividat intelectual d'os socios suyos.

Organización

Mensa Internacional ye una agrupación de Mensas Nacionals. Os socios que residen en un país don bi ha una Mensa constituita perteneixen a lo dito grupo, mientres que en países con no guaires socios fan parte de Mensa Internacional. Os dos grupos principals son American Mensa, con 50.000 socios, y British Mensa (que incluye Reino Uniu y Irlanda), con bels 25.000. Mensa Espanya funciona dende 1984 y i tiene arredol de 1.300 socios. En o tocant a os países on se parla espanyol, bi ha atros grupos nacionals reconoixitos en Archentina, actualment con mas de 300 miembros, y Colombia.

• Datos: Q184194
• Multimedia: Mensa International / Q184194