Maledictosuchus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Maledictosuchus | ||||||||||
 Cranio de l'holotipo dende tres envistas | ||||||||||
| ||||||||||
| ||||||||||
| Maledictosuchus riclaensis | ||||||||||
| Parrilla-Bel, 2013 | ||||||||||
Lo Maledictosuchus ye un chenero de la familia Metriorhynchidae, de lo suborden Thalattosuchia ("crocodilos de mar"), de lo superorden Crocodylomorpha y de la infraclase Archosauromorpha, que vivió en lo periodo Churasico. Ye representau por las especies Maledictosuchus riclaensis y Maledictosuchus nuyivijanan.
La especie Maledictosuchus riclaensis ("crocodilo maldito riclano") fue descrita por Jara Parrilla-Bel, Mark T. Young, M. Moreno-Azanza y José Ignacio Canudo en 2013 a partir de fosils trobaus en lo barranco de la Paridera (termin municipal de Ricla, en la Val de Xalón), por un equipo formau por Monserrat Soria Verde, Concepción Gonzalvo y César Laplana, que en 1994 feban un estudio paleontolochico previo a las grans obras publicas que s'iban a fer a uns cuantos kilometros de lo chacimiento pa la instalación de la linia de l'AVE entre Madrit y Zaragoza.[1] Lo cranio trobau s'amuestra en lo Museu de Ciencias Naturals de la Universidat de Zaragoza como una de las suyas piezas mes emblematicas.
Encara que no queda claro si este chacimiento paleontolochico ye en la formación Domenyo u en la formación Agreda, s'ha puesto datar con Ammonites. Lo livel biostratigrafico concreto de lo chacimiento corresponde a la biozona de Erymnoceras coronatum, en bel meyo de lo Callovián, un piso de lo Churasico meyo que encomenzó fa bels 166,1 millons d'anyos y remató fa bels 163,5.
La especie Maledictosuchus nuyivijanan ye conoixida por fósils de la formación Sabinal de la cuenca de Tlaxiaco (Oaxaca, Mexico), de lo piso Kimmeridchián (Churasico superior).
Referencias
editar- ↑ (es) Jara Parrilla-Bel: El cocodrilo maldito de Ricla (Zaragoza). Publicau en: Naturaleza aragonesa: revista de la Sociedad de Amigos del Museo Paleontológico de la Universidad de Zaragoza. Nº 33, 2016, pp. 15-20.
Bibliografía
editar- (en) Jara Parrilla-Bel, Mark T. Young, M. Moreno-Azanza y José Ignacio Canudo: The First Metriorhynchid Crocodylomorph from the Middle Jurassic of Spain, with Implications for Evolution of the Subclade Rhacheosaurini. Richard J. Butler, Editor, 2013.
Datos: Q3661305
Multimedia: Maledictosuchus / Q3661305
