Luengas eslavas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas eslavas
Familia lingüistica
Atras denominacions:	Luengas eslavonicas
Distribución cheografica:	Europa Central y de l'Este y Rusia
Etnia:	Pueblos eslaus
Clasificación lingüistica
Clasificación:	Indoeuropeas Balto-eslavas Eslavas
Protoluenga:	Protoeslau
Subdivisions:	1) Orientals 2) Occidentals 3) Meridionals
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	sla
Linguasphere:	53= (phylozone)
Glottolog:	slav1255
Mapa de situación
Luengas eslavas orientals Luengas eslavas occidentals Luengas eslavas meridionals

As luengas eslavas son un grupo de luengas indoeuropeas que se parlan en Europa Oriental y Centro-Oriental, incluyindo gran part d'os Balcans dica zonas prou meridionals. Como efecto d'a colonización europea tamién se parlan en Siberia, Asia Central y en zonas puntuals d'atros continents.

Fonetica editar

A K inicial indoeuropea evoluciona a s-, estando as luengas eslavas luengas satem, d'esta traza "corazón" se diz sertse, "cient" se diz sto, ecetra.

Clasificación editar

A clasificación tradicional d'as luengas eslavas estableixe tres grupos: central, meridional y oriental, despartius por a discontinuidat important que representa a zona a on se parla o hongaro y o rumano. Manimenos esta clasificación se fació en base a los caracters d'as luengas stándard, caracters no siempre presents en toz os dialectos y parlas representaus por ixos stándards. Por eixemplo en ciertos aspectos d'as luengas eslavas meridionals se veye una afinidat entre o esloveno y o croata con o checo d'una man y entre o macedonyo y o bulgaro con o ucrainés por l'atra. Tamién o reconoiximiento de luenga por part de ciertos sistemas lingüisticos eslaus puet estar subchecto a interpretacions influitas por nacionalismos de sentius contrarios, por o que se fa enfasi en diferencias poco importants pa despartir, u lis dan poca importancia pa asimilar. Entre as luengas eslavas abundan as parlas de transición igual como en as luengas neolatinas y as luengas turquicas a causa d'una deseparación recient, unas mugas cambiants y procesos migratorios interiors.

As luengas eslavas reconoixidas son:

Grupo oriental:
- Belarruso
- Ruso
- Ucrainés
Grupo occidental
- Subgrupo checo-eslovaco:
  - Checo
  - Eslovaco
- Subgrupo lequitico:
  - Caixubo
  - Eslovincio,
  - Polabo
  - Polaco
  - Pomerán
- Subgrupo sorabo:
  - Sorabo alto
  - Sorabo baixo
Grupo meridional
- Subgrupo occidental:
  - Esloveno, con a suya variant prou diverchent o Prekmurián.
  - Continuum serbocroata: (que recibe diversas denominacions seguntes o país).
- Subgrupo oriental:

Bel lingüistas especula que tamién existió un grupo septentrional. O dialecto antigo d'o ruso d'a ciudat Novogorod ye fácil que tienga bella traza d'ixe grupo desapareixiu.

Un eixemplo d'una luenga paneslava planificada ye l'intereslau.

Vinclos externos editar

(en) Luengas eslavas