Lucien Briet

Lucien Briet
Información personal
Calendata de naixencia	2 de marzo de 1860
Puesto de naixencia	París
Calendata de muerte	4 d'agosto de 1921
Puesto de muerte	Charly-sur-Marne
Ocupación	Escritor y explorador

Lucien Henri César Briet (París, 2 de marzo de 1860 - †Charly-sur-Marne, 4 d'agosto de 1921) estió un escritor, fotografo, explorador y pireneista francés.

Recorrió lo Pireneu aragonés y contribuyó a espandir muitos puestos d'iste, especialment a val d'Ordesa que conoixió en 1881. As suyas obras contribuyoron a amostrar a necesidat d'a creyación d'o Parque Nacional d'Ordesa.

Beluns d'os suyos treballos destacatos sobre o Pireneu aragonés nos fablan d'o macizo de Marmorés, a Penya Montanyesa, a sierra de Guara, os congostos d'Entremont y d'o río Vero, a val de Vio, o río Flumen, o Salto de Roldán u Bielsa. Muitos d'istos escritos, a mayor parti cuadernez manuscritos, chunto con fotografias d'istos puestos (unas 1.600 imáchens), se troban en o Museu d'os Pireneus de Lorda. Important tamién ye o suyo libro Bellezas del Alto Aragón (Bellezas de l'Alto Aragón) publicato en Uesca en 1913 an conta as suyas gambadas por Ordesa, a val de l'Ara, Escuaín, Bielsa u Mascún.

Honors

Eponimia

Actualment en Sobrarbe a comarca organiza anyalment un certamen fotografico, con o tema d'o patrimonio cultural d'ista comarca, que leva o nombre de Lucien Briet y en a dentrada d'a val d'Ordesa bi ha un molimento en memoria de l'explorador francés.

Obras

Alto Aragón pintoresco, colección de tarchetas postals publicadas en Francia, pero vendidas en Aragón, 1912
Bellezas del Alto Aragón, 1 vol. editau por a Deputación de Uesca en 1913, reeditada en 1977, y en 2 vols. en 1988 y en 2003 por ixa mesma institución.
Aux Pyrénées !, artíclos y fotografías, viaches por a versant francesa d'o Pireneu, 1892 - 1906 reunius por André Galicia, 1 vol. editau por éditions de la Ramonda, París, chunio de 2017.

Vinclos externos

(fr) Lucien Briet

Datos: Q3265403
Multimedia: Lucien Briet / Q3265403