Lorda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una comuna occitana en o departamento francés d'Altos Pireneus; ta atros usos, se veiga Lorda (desambigación).

Lorda (Lorda [ˈluɾðɔ] en occitán; Lourdes en francés) ye una ciudat francesa, situata en o departamento d'Altos Pireneus. Ye o punto de pelegrinache mas important de Francia ta os catolicos, y un d'os prencipals en o mundo. Se troba en tierras occitanas, a piet d'os Pireneus, amanata a Aragón, dende o cual os accesos son fácils per a banda de Chaca u per Bielsa. A suya población ye de 15.254 habitants (2007) en una superficie de 37 km², con una densidat de población de 411 hab/km².

Lorda Lourdes
Comuna de Francia
Virchen de Lorda
Estau  • País  • Rechión  • Departam.  • Districto  • Cantón	Francia Occitania Occitania Altos Pireneus Argelèrs de Gasòst Capital de 2 cantons: Lorda-1 y 2
Mancomunidat	Mancomunidat du Pays de Lourdes
Superficie	37 km²
Población  • Total  • Densidat	13 509 hab. (2013) 411 hab/km²
Altaria  • Maxima  • Minima	960 m 343 m
Alcalde	Jean-Pierre Artiganave
Codigo postal	65100
Codigo INSEE	65286
Coordenadas	43° 5’39’’N 0° 2’48’’U
Lorda Lorda en Francia

Se conta que en febrero de 1858 a Virchen María apareixió debant d'una misacha de 14 anyos que se deciba Bernadette Soubirous en a remota Grota de Massabielle. A estatua d'a Virchen de Lorda s'erichió en ixe puesto en 1864. Luego a capiella se cambeó per una basilica de pelegrinache. Bernadette Soubirous dentró en o Monesterio de Nevers en 1866 y fue canonizata en 1933.

Cada anyo, de marzo ta d'octubre, o Santuario de Nuestra Sinyora de Lorda ye centro de pelegrinaches en masa, venitas d'Europa y d'altros cabos d'o mundo. Se creye que l'augua d'a fuent d'a grota poseye propiedaz curativas. A Ilesia Catolica Romana en ha reconoixito oficialment 66 curacions miraglosas.

O complexo relichioso abraca bellas ilesias, capiellas, viacrucis, y cientos d'hotels y botigas. Fueras d'o intrés relichioso, a ciudat conta con un castiello fortificato medieval.

Lorda s'emplega tamién como antroponimo de muller.

Enlaces externo

• Portalada d'os sitios oficials de Lorda
• O sitio oficial d'os santuarios de Lorda