Lizena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una lizena u lazena (de l'arabe <(al-)ẖizāna) ye un tipo de mueble d'a casa, d'a familia d'os armarios, que s'emplega ta alzar piezas d'o ixovar domestico, como a vaixiella, as cuberterías u a mantelería.

Una lizena.

As formas mas simples no son si que una cavidat en a paret, pareixida a una furnacina pero con puertas ta zarrar-la, en a cual se podeba meter una u cualques baldas ta alzar-ie as pertinencias. As formas mas modernas tienden a aparentar un armario de dos cuerpos superposaus en vertical: la uno, d'abaixo, sole estar un armario zarrau de dos u mas puertas y ye mas amplo que o d'alto, de manera que forma un sallent que permite refirmar-ie cosas. O cuerpo d'alto puede tener puertas con veires que deixan veyer o que se guarda adintro, y cumple d'ista forma una función d'aparador.

Se veiga tamién

• Armario.
• Aparador.
• Tombilla.
• Furnacina.

Referencias

• Datos: Q5662058
• Multimedia: Cupboards / Q5662058