Tombilla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una tombilla ye una estructura de fusta que s'emplegaba pa combar os linzuelos d'o leito d'antes de chitar-se, causando l'aparición d'una cambra vueda plena d'aire, en a que se i podeba introducir un braser u recipient con brasas de calivo ta escalfar-lo y fer-lo mas confortable pa dormir-ie dimpués.

Una tombilla.

As tombillas gosaban tener una zafata en a parte inferior pa depositar-ie lo braser, privando con a suya estructura que os linzuelos u garra atro material inflamable d'o mueble establise contacto con o calivo y se i podese pretar fuego. A paulatina introducción d'estufas y atros sistemas de calefacción en as viviendas, y l'aparición d'atros mecanismos especificos y menos periglosos pa escalfar o leito (p. ex. as bolsas d'augua calda) han feito desapareixer as tombillas de l'ixovar domestico en as zagueras decadas, quedando-ne eixemplos nomás que en cualques museus y mostrarios etnolochicos.

Se veiga tamién

• Leito.
• Calivo.
• Fogaril.
• Cadiera.
• Linzuelo.
• Braser.
• Aparador.

Vinclos externos

• Bed-warmers
• Bed-wagons

• Datos: Q10984436