Biquipedia

La Zaragozana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
La Zaragozana
Datos chenerals
Eslogan Cervezas desde 1900
Establimiento 1900
Localización Zaragoza, Aragón
Enfiladors
Industria Biera y malta
Productos
Beneficios
Emplegatos
Pachina web
Pachina web www.ambar.com
Twitter {{{twitter}}}
Facebook {{{facebook}}}

La Zaragozana ye una empresa aragonesa bierera con seu en o districto de Sant Chusé d'a ciudat de Zaragoza. A empresa comercializa as bieras de marca Ámbar.

Historia

editar

Estió fundata o día 10 de chulio de 1900. Ladislao Goizueta y Díaz estió o suyo primer president, mientras que Enrique Lacadena y Laguna estió o suyo primer vicepresident. A fabrica estió disenyata baixo inspiracions d'estilo alemán. Obtenió un reconoiximiento internacional con o logro d'o "Diploma d'Honor con Gran Medalla d'Oro" en a Exposición Internacional de Londres celebrata en l'anyo 1902 y beluns anyos dimpués lograrba medallas d'oro en as exposicions de París, Madrit y en a hispano-francesa de Zaragoza (anyada de 1908). En as primeras anyadas a biera yera distribuyita en chicoz carruaches arrullatos por caballos.

En 1998 obtenió a certificación de calidat ISO 9001, convirtiendose en a primera bierera espanyola en consiguir-la. En l'anyo 2000 a facturación d'a empresa estió superior a os 33 millons d'euros. A suya producción anyal en l'autualidat ye superior a os 45 millons de litros de biera. A suya cuota de mercato ye d'o 50% en Aragón y 80% en Zaragoza. Asinas mesmo, beluns d'os suyos productos tamién s'exportan ent'atros estaus como Estaus Unius, Australia y Reino Uniu.

Actualment, La Zaragozana y a gallega Hijos de Rivera S.A., son as únicas empresas biereras espanyolas que conservan encara capital espanyol.

Productos que comercializa

editar
 
Biera Ámbar 1900 de La Zaragozana
 
Edición especial de bieras Ámbar de Héroes del Silencio

Su prencipal producto ye a biera Ámbar, d'a cual bi'han diversas modalidaz:

  • Ámbar Especial: ye a suya biera estrela. Biera Lager de color ambarino y acetura característica, en equilibrio con o suyo cuerpo. 5,2% d'alcol.
  • Ámbar Premium: ye a suya segunda biera Lager, mas lichera. Ye comercializata nomás que en formato d'1 litro. 4,5% d'alcol.
  • Ámbar Sin: se tractaba de una biera sin alcol que apareixió en 1976. Con ella, La Zaragozana se convirtió en a primera empresa en comercializar ista mena de biera en Espanya.
  • Ámbar Green: nombre que adoptó l'Ámbar Sin dende 1993. En a suya producción s'emplega una mezcla de distintas variedaz de maltas y roz parellans a las emplegatas en a producción d'as bieras de mena "Pilsen", dando a ista biera as caracteristicas d'una biera normal en sapia, cuerpo y acetura. 0,0% d'alcol.
  • Ámbar Export (d'antis Export): prencipió a producir-se en 1980. Se tracta d'una biera de color roya, turrata, cerenya, elaborata con tres maltas que li confieren a suya sapia, cuerpo, y aroma personal. Con doble periodo d'amasegata y cachana maduración en bodega. 7% d'alcol.
  • Marlen: ye una biera de fabricación tradicional. Biera Dortmunder de color amariello palido y bouquet con una acetura delicata, licherament aromatica. 5,8% d'alcol.
  • Ámbar 1900: a suya producción prencipió en 1996. Se emplega o sistema d'amasegata a alta temperatura, biera mena "Pale-ale". 4,8% d'alcol.
  • Ámbar Negra: biera negra en a producción d'a cual se emplega zucre de canya de zucre. 4,8% d'alcol.
  • Ámbar Lemon: biera Ámbar con un toque de limón. 0,0% d'alcol.
  • Ámbar Mansana: biera Ámbar con un toque de manzana. 0,0% d'alcol.
  • Ámbar Caesaraugusta: presentata en chulio de 2008. Primera biera espanyola feita con trigo, a l'estilo d'as bieras belgas. 5,2% d'alcol.
  • Sputnik: biera aromatizata con vodka, perfumada con citricos. 5,9% d'alcol.
  • Ámbar apta para Celíacos: presentata con enchaquia d'a Exposición Internacional de Zaragoza de 2008, ye una biera sin gluten apta ta celiacos. 5,2% d'alcol.
  • Ámbar Green apta para Celíacos: presentata en octubre de 2011, ye a primera biera sin alcol apta ta celiacos. 0,0% d'alcol.

La Zaragozana tamién produce, baixo licencia, a biera d'a marca Moritz, d'orichen barcelonés y perteneixient actualment a lo mesmo grupo que La Zaragozana.

Vinclos externos

editar
Obteniu de "https://an.wikipedia.org/w/index.php?title=La_Zaragozana&oldid=2222144"