Kick'em Jenny
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Kick'em Jenny | |
 | |
Situación
| |
| Situación |  Grenada
|
| Latitut | 12°30′N |
| Lonchitut | 61°64′O |
| Vértiz cheodesico | Error d'expresión: operador / no asperau/0.pdf |
Cheografía
| |
| Cordelera | Arco volcanico d'as Antillas Menors |
| Sierra | |
| Macizo | |
| Altaria | -160 m |
| Primera puyada | |
| Ruta mas fácil | |
Mapa
| |
 | |
O Kick'em Jenny ye un volcán submarino activo situato en a mar Caribe a 8 km a o norte d'a isla de Grenada y alto u baixo 8 km a l'ueste d'a Isla Ronde en as Granadinas. Kick'em Jenny tien una altaria de 1.300 m sobre o fundo d'a mar en a versant interior occidental d'as Antillas Menors. A placa tectonica norteamericana ye subducindo a la placa tectonica caribenya a l'este d'iste volcán y por debaixo d'as Antillas Menors[1]
O primer rechistro documental d'o volcán estió en 1939, encara que ya heba tenito erupcions muitas vegatas antis d'ista calendata. O 23-24 de chulio de 1939 una erupción crebó a superficie d'a mar, chitando una nube de vapor y repuis volcanicos a una altaria de 275 m. sobre a superficie y chenerando una serie de tsunamis d'alto u baixo dos metros d'altaria que arriboron a las costas d'o norte de Grenada y o sud de Sant Vicent y as Granadinas. En 2003, a tuca d'o volcán plegó a una altaria de 180 m. baixo a superficie d'a mar y se creye que ha remanito constant dende os anyos 1960.[2]
O volcán ha tenito a o menos doce erupcions entre 1939 y 2001 (a zaguera o 4 d'aviento de 2001), encara que denguna d'a posteriors erupcions ha estato tan gran como la de l'anyo 1939 y a mayoría nomás s'han detectato sismicament. As erupcions grans s'han puesto ascuitar tamién baixo l'augua y en superficie en as islas amanatas como un zurrumbito.[2]
En l'anyo 2003 una expedición submarina detectó a caldera d'o volcan con chamineras activas chitando bombollas de gases fredos y calients. Se i replegoron muestas de olivina y basalto. Una estructura en forma d'arco s'espaldó en a suya versant occidental, estando probablement a fuent d'as restas de rocas que bi ha en a zona que se troba mas amán de Grenada.[3]
Etimolochía
editarO volcán yera desconoixito antis de 1939, encara que "Kick'em Jenny" apareixe en mapas anteriors como o nombre d'una chicota isla dita agora Diamond Rock (u Île Diamante), u como o nombre d'o estreito entre Grenada y a isla Ronde (u Île de Ronde). O nombre en si mesmo fa referencia a que a vegatas as auguas d'iste estreito son prou furas.[2]
Referencias
editar- ↑ "Kick em' Jenny-Home". The University of West Indies-Siesmic Center. http://www.uwiseismic.com/KeJ/kejhome.html. Retrieved 2009-10-16.
- ↑ 2,0 2,1 2,2 Topinka, Lyn (2001-12-12). "DESCRIPTION: Kick 'Em Jenny Volcano, West Indies". United States Geological Service. http://vulcan.wr.usgs.gov/Volcanoes/WestIndies/KickEmJenny/description_kick_em_jenny.html. Retrieved 2009-10-16.
- ↑ Mattox, Steve (April 5, 2002). "Kick-'em-Jenny, West Indies". The University of Oregon. http://volcano.oregonstate.edu/vwdocs/volc_images/north_america/kick.html. Retrieved 2009-10-16.
Datos: Q1740807
Multimedia: Kick-'em-Jenny / Q1740807
