Abrir menú principal

José Larraz López

Primeras anyadasEditar

Fació a suya formación en Madrit, a on se licenció en Dreito en a Universidat Central de Madrit con nomás que 20 anyadas, esdevenindo en 1926 por oposición funcionario d'o Cuerpo d'Advogatos d'o Estato. Pensionato por a Chunta d'Enamplata d'Estudeos ta enamplar estudeos en Belchica. Mientres a dictadura de Miguel Primo de Rivera esdevenió subdirector d'estudeos d'o Banco d'Espanya.

A Segunda Republica espanyolaEditar

D'ideyolochía conservadora, estió miembro de l'Asociación Católica Nacional de Propagandistas, y quan se proclamó a Segunda Republica Espanyola pasó a colaborar con a Confederación Española de Derechas Autónomas de José María Gil Robles. Estió en ixas envueltas director d'a sección d'Economía d'o diario conservador El Debate.

A Guerra Civil y o franquismoEditar

Quan esclató a Guerra Civil espanyola con a sublevación melitar o 18 de chulio de 1936, José Larraz colaboró activament con os melitars sublevatos, ocupando quantos cargos politicos de segundo ran en a dita Chunta de Burgos (o Gubierno constituito por os sublevatos), en a suya mayor parte relacionatos con l'aria economica. Asinas, en 1937 estió director d'o Servicio d'Estudeos d'o Banco d'Espanya (u millor dito, d'a institución establita con ixe nombre por os sublevatos). Continando con ixa vía, Francisco Franco lo nombró Menistro d'Hicienda o 9 d'agosto de 1939, en o suyo segundo Gubierno. Mientres o suyo menisterio, prebó de desembolicar una reforma fiscal, dimitindo en zaguerías o 19 de mayo de 1941 por a oposición de quantos destacatos dirichents d'o rechimen franquista, encara que a suya reforma s'heba aprebato a traviés d'a Ley de Reforma Tributaria de 16 d'aviento de 1940.

Con posterioridat, albandonó a carrera politica y estió miembro d'a Real Academia de Jurisprudencia y Legislación (1941) y d'a Real Academia de Ciencias Morales y Políticas (1943, estando-ne o suyo vicepresident).

ObrasEditar

  • 1930: La evolución económica de Bélgica.
  • 1932: La Hacienda Pública y el Estado Catalán.
  • 1935: La ordenación del mercado triguero en España.
  • 1946: La meta de dos revoluciones.
  • 1961: La integración europea y España.
  • 1970: Esquema y teoría de la Historia.
  • Metodología aplicativa del Derecho Tributario.
  • El poder político de la sociedad jerárquica y Don Quijancho Maestro.

Vinclos externosEditar