Ilesia de Nuestra Sinyora d'o Pilar de Canfranc

A ilesia de Nuestra Sinyora d'o Pilar de Canfranc ye una ilesia devantada en 1969 seguntes un prochecto de l'arquitecto castellanomanchego Miguel Fisac Serna, que se troba situata en Os Aranyons, en o termin municipal de Canfranc (Chacetania, Aragón). A ilesia, consagrata a o culto catolico, ye baixo l'advocación d'a Virchen d'o Pilar, y ye protechita legalment dende 2006 con a suya declaración como Bien d'Intrés Cultural. Se i conservan cuatre retablos d'estilo barroco.

Ilesia de Nuestra Sinyora d'o Pilar
A ilesia de Nuestra Sinyora d'o Pilar de Canfranc.
Situación cheografica
Estau
País
'
Situación	Os Aranyons (Canfranc, Chacetania, Aragón)
Adreza	Avda. de Ferrando lo Catolico, 5
Coordenatas
Archidiocesi
Diocesi	Chaca
Arcipestrau	Chaca-Berdún
Información cheneral
Advocación	Nuestra Sinyora d'o Pilar
Culto	Catolico
Orden
Rector
Vicario parroquial
2.º Vicario parroquial
Mosen
Propietario	Ilesia Catolica
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo
Función
Catalogación	Bien d'Intrés Cultural
Materials
Construcción
Construcción	1969
Fundador
Inicio
Fin
Inauguración
Destrucción
Equipo disenyador
Arquitecto	Miguel Fisac Serna
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Nuestra Sinyora d'o Pilar Ilesia de Nuestra Sinyora d'o Pilar en Aragón

Descripción

S'integra en clara harmonía con o magnífico paisache pirenenco en que se troba. Resuelve o programa d'un complexo parroquial rural, composau d'un templo y toz os servicios annexos de sagristía, estudiet parroquial, archivo, salón parroquial y vivienda d'o mosén.

O conchunto parroquial ye presidiu por o volumen ocupau por o templo, que s'acotraciar en forma de ventallo, zarrau por un muro frontal sinuoso y con una cubierta de gran pendient cuasi paralela a la ladera. Completan o conchunto os annexos adosaus en os costaus d'o templo, a o norte os servicios parroquials y a o sud a casa d'o mosén.

L'interior d'o templo tien una fuerte carga simbolica y sigue as prescripcions d'o Concilio Vaticano II configurando un puesto idonio pa la reunión de l'asambleya eucaristica. Destaca o prodichioso dominio d'a luz materializau en os muros espullaus de piedra sobre os que i hai ubriduras precisas por as que a luz dentra y tensa machicament o espacio.

A ilesia ye d'una gran sinceridat constructiva y combina o sistema tradicional de muros de carga de mampostería de piedra, con una estructura de cubierta prefabricada formada por cerchas metalicas triangulars. A cobertura de tot l'inmueble se fa con servillas d'aluminio en a suya color. A elección d'iste material ye muit encertada en o suyo contexto, ya que l'aluminio platiau reflecta a luz y aporta luchereza a o conchunto.

A mesa d'altar, seu, ambón, base de sagrario, pila baptismal, dos piletas, columna d'a Virgen d'o Pilar y bateaugüero en piedra tallada, son tamién obras de Frisac. Pero lo mas destacable artisticament en o suyo interior ye una colección de tallas d'os sieglos d'o XVI a o XVIII, procedent d'atras ilesias, como son o Cristo Crucificau en fusta policromada d'o sieglo XVI, procedent d'a ilesia parroquial de Tiermas, a Virchen d'o Pilar en fusta policromada d'o sieglo XVIII, procedent de l'antiga ilesia parroquial d'a partida d'os Aranyons u la Immaculada Concepción en escayola policromada d'o sieglo XX.

En ultimas, podemos decir que a ilesia parroquial de Canfranc conserva gran parti d'a suya autenticidat y integridat, a tamas d'haber sofriu bellas obras de reconstrucción a causa d'os desperfectos prevocaus por un lurte.

Vinclos externos

• Se veigan as imáchens de Commons sobre a ilesia de Nuestra Sinyora d'o Pilar de Canfranc.

• Datos: Q3572189
• Multimedia: Iglesia de Nuestra Señora del Pilar (Canfranc) / Q3572189