Cynodon

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cynodon
Cynodon dactylon, una d'as especies mas frecuents de gramen.
Denominacions populars
Gramen, agramen, engramen, grama
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Apogonia
Subclase:	Commelinidae
Orden:	Poales
Familia:	Poaceae
Subfamilia:	Chloridoideae
Tribu:	Cynodontae
Chenero:	Cynodon
Descripción
Cynodon Pers., 1805

Os gramens (cientificament, en latín, Cynodon) son un chenero de plantas poacias (graminias) caracterizadas por o suyo creixmento rastrero y a producción d'estolons periodicos que s'enradigan firmes en o suelo.

O chenero concabe d'entre 9 y 60 especies de plantas herbacias, que se troba distribuidas por as rechions temperadas, sub-tropicals y tropicals d'Eurasia y d'Africa. En a Europa mediterrania, o chenero se troba representau por a especie Cynodon dactylon, hierba frecuent y muit adaptable que bellas vegadas empesta os cautivos.

Descripción

Os gramens son hierbas baixas, d'entre 10 y 30 cm d'altaria, con un gran creiximiento horizontal con rizomas superficials. Os rizomas forman estolons que gosan dar lugar a nuevos piez a partir de l'orichinal, o que puede fer que o gramen cubra grans extensions.

As fuellas son liguladas, que arredolan o tallo principal con a base, y tienen aproximadament os 2/3 superiors sésils. Creixen alternas. A color d'o follamen ye verde clara.

Fan inflorescencias en forma d'espiga, con 3, 4, 5 u dica 6 cabezas chuntas en cada inflorescencia, que s'obren d'una caracteristica forma radial en anglo practicament recto con o tallo que as sustenta. Os tallos que sustentan as espigas florals son os solos tallos que manifiestan un creiximiento vertical en a planta, con a finalidat d'envistar-se por alto d'a hierba, quedar exposau a l'aire, y fer mas fácil a fecundación anemofila.

Imáchens

• 
• 
  Gramen rancau d'una zarpada.
• 
  Espiga.

Se veiga tamién

• Gramenal

Vinclos externos

• Wikispecies tiene un articlo sobre Cynodon.
• Se veigan as imáchens de Commons sobre Cynodon.

• Datos: Q959222
• Multimedia: Cynodon / Q959222
• Especies: Cynodon (Poaceae)