Goriška

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Goriška ye una rechión tradicional d'Eslovenia situada en o suyo cabo ueste chunto con a muga con Italia. Prene o suyo nombre d'a ciudat de Gorizia, dende a Primera Guerra Mundial anexionada por Italia, y tien como capital Nova Gorica. Chunto con a rechión d'a Istria eslovena forma o litoral esloveno (Primorska), encara que con pocos km de costa.

Goriška
Subrechión historica d'Eslovenia
Entidat  • País  • Rechión historica	Subrechión historica Eslovenia Litoral esloveno
Capital	Nova Gorica
Idioma oficial  • Atros idiomas	Esloveno Italiano
Situación en Eslovenia

Historia

En l'Imperio Austrohongaro a rechión feba part chunto con a ciudat de Gorizia como capital d'o Condau de Gorizia y de Gradisca. Dimpués d'a Primera Guerra Mundial tota a rechión fue anexionada a lo Reino d'Italia (1861-1946) y incluita en a Venecia Chulia. En o periodo faixista a rechión sufrió una italianización fortaza. Dimpués d'a Segunda Guerra Mundial a mayor part d'as tierras habitadas por eslovenos fuoron adhibidas a Yugoslavia y a la Republica Socialista d'Eslovenia, representando a més gran part d'a rechión de Goriška. Manimenos a ciudat de Gorizia y a suya redolada quedoron en Italia.