George Nathan

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

George Nathan
1895 - 16 de chulio de 1937
Información personal
Embotada	{{{embotada}}}
Puesto de naixencia	Irlanda
Puesto de muerte	Guadarrama (Madrit) (Batalla de Brunete)
Información militar
Leyaltat	{{{leyaltat}}}
Anyos de servicio	{{{servicio}}}
Rango
Mandos	Batallón Lincoln Batallón Washington Batallón Britanico XV Brigata Internacional
Unidat
Batallas/guerras	Primera Guerra Mundial Guerra d'Independencia Britanica Guerra Civil espanyola Batalla de Brunete
Premios
Atras funcions

George Montague Nathan, naixito en Irlanda en 1895 y muerto en a batalla de Brunete o 16 de chulio de 1937, estió un politico y militar irlandés, militant d'o IRA (Exercito Republicano Irlandés) y voluntario en l'Exercito britanico en a Primera Guerra Mundial y voluntario tamién en a Guerra Civil espanyola en as Brigatas Internacionals en defensa d'a Segunda Republica Espanyola. Estió miembro d'o Estato Mayor d'a XV Brigata Internacional.

Primera Guerra Mundial

En a Primera Guerra Mundial, George Nathan estió voluntario en l'Exercito britanico, combatindo en o Frent Occidental, y estando ascendito enta sarchento mayor. Fue distinguito lo 9 d'abril de 1917 como o solo oficial chodigo en a Brigata d'a Guardia.

Guerra d'Independencia d'Irlanda

Entre 1918 y 1936, as suyas actividaz en a Guerra d'Independencia d'Irlanda son poco conoixitas. Richard Bennet afirma que estió miembro d'o servicio secreto britanico mientres treballaba encubiertament ta l'Exercito Republicano Irlandés (IRA), y que estió lo responsable d'os asesinatos d'o toque de queda en Limerick en tanto que miembro d'o Rechimiento d'os Black and Tans. En cualsiquier caso, sí ye conoixita a suya militancia en l'IRA.

Guerra Civil Espanyola

L'agüerro de 1936 s'enroló como voluntario en as Brigatas Internacionals en a Guerra Civil espanyola, prenendo-ie lo mando d'a Companyía britanica en a XIV Brigata Internacional (clamata la Marsellaise por a suya composición mayoritaria de franceses). Fue nombrato comandant d'o batallón dimpués d'o fusilamiento de Gaston Delasalle acusato d'espionache.

Dimpués mandó lo Batallón Lincoln, o Batallón Washington y lo Batallón Britanico en a XV Brigata Internacional. A suyo valor en combate estió lechendaria; ninviaba a os suyos hombres enta l'ataque mientres les deciba Enta adebant, sinyoras, ta esperonar-los.

A suya solicitut de militancia en o Partiu Comunista fue desestimada, fuese por a suya orientación sexual, u talment por a suya tibieza ideyolochica. No obstant, os observadors d'a Komintern admiraban a suya frida arrogancia debant o fuego enemigo.

Dimpués estió lo cabo d'Estato Mayor d'a XV Brigata Internacional, y fue mortalment ferito en a batalla de Brunete lo 16 de chulio de 1937. Se fació portar enta un campo d'oliveras y demandó a os suyos soldatos que cantasen mientres moriba, en Guadarrama (Madrit.

Bibliografía

• (en) Antony Beevor, Battle for Spain, (2007).
• (en) Richard Bennett, "Portrait of a Killer", New Statesman, 24 de marzo de 1961.
• (en) Cecil Eby, Comrades and Commissars, (2007).
• (en) Jason Gurney, Crusade in Spain, (1974).
• (en) Joe Monks, With the Reds in Andalusia, 1985.
• (en) Hugh Thomas, The Spanish Civil War, (2003).

Vinclos externos

• (it) Omosessuali nella guerra di Spagna.
• (es) Brigadistas en a Guerra Civil espanyola.

Notas y referencias

• Datos: Q2722676
• Multimedia: George Nathan / Q2722676