Fuero d'Alfambra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo fuero d'Alfambra fue concedito a Alfambra (Teruel) en l'anyo 1174 u 1176 por lo conte Rodrigo de Sarria, de la Orden militar de Montegaudio. Se'n conservan tres codices, uno de l'archivo de la Seu de Sant Salvador de Zaragoza y los atros dos en l'Archivo Historico Nacional. Ye escrito en aragonés.
En lo fuero d'Alfambra fue adhibita una concordia firmata en l'anyo 1232, cuan ye aprobato por part de lo chusticia d'Aragón. Tamién bi ha adicions posteriors a 1247.
Luengache
editar- La evolución de lo grupo latino -CT- ye -ch- en 96 casos: auandicho, derecha, derechos, derechero, derechament, lecho, nox, noches, ocho, ochauas, pecha, pechada, pechar, leche, pechen, sospecha.
- Manimenos en 22 casos ye en -it- como en aragonés cheneral: feyto, feytas, gitar, gitan, giten, gito, gitadas, peytar, peyte, peyta, leyto, ueyteno, que corresponden a parolas usuals en lo lexico churidico y notarial aragonés, u en lo caso de los derivatos de gitar parolas que han continato existindo con -it- en amplas zonas d'Aragón en lo castellano d'Aragón: chito.
- En lo grupo -ULT no trobamos la solución de l'aragonés cheneral -uit: cuchiello, muchos.
- La evolución de los grupos latinos -C'L- u -LY- una -i-/-j-/-g- interpretable como una ch en 40 casos: baraia, bermeia, coia, cogido, escoian, recoger, conceio, conseio, fijo, fijos, meioramientos, moion, moiones, muger, oio, oueias, paiar, taiado, ueiedat (velleza)
- Cuasi no bi ha diftongación debant de Yod como en aragonés cheneral: nox, noches, ocho, oio, retenga, uenga. La sola forma diftongata debant de yod ye ueyteno. No se troban formas de lo present de lo verbo estar con diftongo -ie-: es.
- Trobamos cuasi siempre los adverbios de modo rematatos en -ment: derechament, lealment, fidelment, primerament, solament. La forma en -mientre visible en lo fuero romanz de Teruel y en romanz navarro se troba en una ocasión: leyalmientre.
Bibliografía
editar- Francho Nagore Laín Aspecto lingüisticos de la redacción romance de los fueros de Teruel y Albarracín en comparación con otros textos medievales aragoneses. Tiempo de Derecho foral en el sur aragonés: Los fueros de Teruel y Albarracín I Estudios. El Justicia de Aragón.
Datos: Q13049095
