Force 10 from Navarone (cinta)
- Iste articlo ye sobre una cinta de cine belico britanica de l'anyo 1978; ta atros usos, se veiga Force 10 from Navarone.
.svg){kind=small}
Force 10 from Navarone (títol orichinal en anglés, en aragonés Fuerza 10 de Navarone, enguerada en Aragón con ixe mesmo títol) ye una cinta de cine britanico de l'anyo 1978 de cine belico dirichida por Guy Hamilton seguntes un guión adaptau por Robin Chapman (|basau en una historia de Carl Foreman, que a la vegada se basa en Force 10 from Navarone, una novela publicada por Alistair MacLean en 1968), con una banda sonora orichinal de Ron Goodwin, una dirección de fotografía de Christopher Challis y una producción cinematografica d'Oliver A. Unger y John R. Sloan ta la productora cinematografica Navarone Productions. Conta con un elenco d'actors formau, entre d'atros, por Robert Shaw, Harrison Ford, Edward Fox, Barbara Bach, Franco Nero, Carl Weathers, Richard Kiel, Alan Badel, Michael Byrne, Philip Latham, Angus MacInnes, Michael Sheard, Petar Buntic, Paul Humpoletz y Ramiz Pasic.
A cinta, que se basa muit librement en a novela d'Alistair MacLean Force 10 from Navarone, contina en teoría con a historia contada en The Guns of Navarone (encara que con atros actors) y conta cómo l'alto mando de l'exercito britanico creye que Nicolai, qui ya heba traicionau a la misión d'a cinta anterior en Creta, s'ha infiltrau agora entre los partisanos dirichius por Tito con o nombre de capitán Lescovar y deciden ninviar una misión ta eliminar-lo. Reclaman a dos d'os antigos miembros d'o comando de Creta y los adhiben a un grupo de comandos de l'exercito estausunidense que marchan enta lo Balcans ta una atra misión con os partisanos. A lo grupo s'adhibe un sarchento afroamericano d'o Cuerpo Medico que fuye d'a suya garchola y toz trescruzan a mar Hadriana en un avión que han robau a la Royal Air Force pero los fa cayer un avión alemán. Cuan plegan en tierra bien luego plegan a qui aparentment son os partisanos de Tito, pero en realidat de tracta de "chetniks" colaboradors d'os alemans.
A cinta s'ambienta en l'antiga Yugoslavia (hue os escenarios d'a cinta se troban en Bosnis y Herzegovina) en l'anyo 1943 mientres a Segunda Guerra Mundial y las suyas escenas se filmoron en Mostar y atras localidaz en l'actual Bosnia y Herzegovina, en localidaz de l'actual Montenegro y en Jèrri en as islas Anglonormandas y en Plymouth en o Reino Uniu, amás d'en os Malta Film Studios en Malta y en os Shepperton Studios en Surrey.[2]
Encara que la cinta ha recibiu bel premio u nominación, garra d'éls no perteneixe a los premios cinematograficos mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q572736
