Follín

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O follín (tamién dito fullín) (d'o latín < FULLIGINE) ye un conchunto de particulas solidas de mida chicota de composición predominant de carbonio que se son despresas de materials ricos en ixe elemento quan se creman, tals como la fusta, lenya u lo carbón. Tiene l'aparienza pareixita d'a cenisa, pero con color de regular més fosca que ésta.

Emisión de grans cantidatz de follín per as chamineras d'un cambión diesel.

No ye mica estranyo de trobar-lo en grans cantidatz en as chamineras, cremallos y calders esposatos a l'acción d'o fuego, y tamién las salitas de combustión d'as calderas. Per a suya color negra, ye un d'os colorants més antigos emplegatos ta dar-le ixa tonalidat a os materials, y per ixo encara enguán se gosa producir a escala industrial como colorant, con calderas en que las suyas chamineras d'extracción tienen dispositivos especials ta la captación d'este material. Un d'os nombres comercials d'o follín como colorant ye negro de fumo.

Os gases d'escape d'os motors que emplegan combustible diesel tamién gosan dipositar follín en as conduccions per aon amaneixen, perque pueden contener hidrocarburos absorbitos, fetos por prencipal de lubricants y restas de combustible no cremato. A demés, tamién pueden contener restas d'altras sustancias solidas como oxidos de metals y compuestos sulfuratos.

Tamién se i sole trobar grans cantidatz d'este material a dintro d'os transformadors de potencia electrica que son refricheratos con aceite dielectrico dimpués de que i aiga pasato un accident. Ixo ye perque l'apariello tiene fusta en a parte interior y quan lo fallo eletrico produce un arco voltaico, este provoca que l'aceite se creme deixando las ditas cantidatz de follín en as paretz interiors d'a cuba d'o transformador.

Vinclos externos

• O Biquizionario tien una dentrada sobre follín.