Electricidat

(Reendrezau dende Electrecidat)
Articlo d'os 1000

A electricidat[1] (d'o griego elektron, que significa ambre) ye un fenomeno fisico que tien orichen en as cargas electricas, manifestando-se a suya enerchía en fenomenos mecanicos, termicos, luminosos y quimicos, entre atros.[2][3][4][5] Se puet veyer de forma natural en os rayos, que son descargas electricas producitas por o rozamiento d'as particlas d'augua en l'atmosfera (electricidat estatica) y ye parti esencial d'o funcionamiento d'o sistema niervoso. Ye a base d'o funcionamiento de muitas maquinas, dende chicotz electrodomesticos dica sistemas de gran potencia como os trens d'alta velocidat, y tamién de totz os dispositivos electronicos.[6] Tamién s'emplega ta la producción de sustancias quimicas como l'aluminio y o cloro.

Ye un fenomeno conoixito dende l'Antigüedat pero no fue dica os sieglos XVII y XVIII que prencipioron a conoixer o suyos fundamentos. Gracias a os estudios y descrubrimientos de cientificos como Luigi Galvani, Alessandro Volta, Charles-Augustin de Coulomb y Benjamin Franklin y en a primera mitad d'o sieglo XIX André-Marie Ampère, Michael Faraday y Georg Ohm permitieron que en o zaguer cuarto d'o sieglo XIX prencipalment Nikola Tesla y Thomas Alva Edison encomenzaran a fer aplicacions electricas ta la industria, telecomunicacions y l'ambito domestico estando uns d'os prencipals motivos ta la segunda revolución industrial.

Qualques animals pueden chenerar voltaches que utilizan como arma esfensiva u de caza. L'orden d'os Gymnotidae, entre los quals tenemos lo conoixiu eixemplo d'a enguila electrica, detectan a suya presa y la estaborneixen con altos voltaches que cheneran con unas celulas musculars modificadas ditas electrocitos.

Se veiga tamiénEditar

ReferenciasEditar

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. El pequeño Larousse Ilustrado, 2006, Editorial Larousse, S. A., ISBN 970-22-1233-2
  3. Enciclopedia ilustrada Cumbre, 1958, Mexico:Editorial Cumbre, S. A.
  4. Gran diccionario enciclopédico siglo XXI, 2001, Colombia:Ibalpe Internacional de Ediciones, S. A. DE C.V, ISBN 958-615-582-X
  5. Glosario, https://web.archive.org/web/20080709034443/http://omega.ilce.edu.mx:3000/sites/ciencia/volumen2/ciencia3/107/htm/sec_16.htm
  6. (es) Varios autores, Enciclopedia de Ciencia y Técnica Tomo 5. Electricidad, 1984, Salvat Editores, S. A., ISBN 84-345-4490-3

Vinclos externosEditar