Find A Grave (en aragonés troba una tumba) ye una base de datos accesible por o rete a traviés d'una pachina web a on se i pueden trobar informacions de cementerios y esquelas, con imáchens de tumbas arredol d'o mundo, acompanyadas asobén d'una chicota biografía en indicando as calendatas de naixencia y de muerte d'a persona que se i troba en a tumba. La primera versión d'a base ye obra de Jim Tipton,[1] un resident en Utah, qui establió la base en 1995 como ferramienta ta treballar en o suyo hobby consistent en vesitar tumbas de celebridatz. Actualment la base de datos ye propiedad d'Ancestry.com, una interpresa estausunidense de Chenealochía que tien a suya seu social en Leni, en l'estau d'Utah. En l'anyo 2022 la base de datos acumula mas de 210 millons de rechistros.
Se veigan as imachens de Commons sobre Find A Grave.