Feners
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Feners (en castellano Fenés) yera un lugar medieval situau en l'actual municipio de Samianigo.
| Feners | |
| Despoblau medieval d'Aragón | |
| Entidat • País • Provincia • Comarca • Municipio |
Despoblau medieval Aragón.svg){kind=small} UescaAlto Galligo Yebra de Basa |
| Partiu chudicial | Chaca |
| Población • Total |
0 hab. |
| Altaria • Meyana |
1.260 m. |
| Coordenadas | |
Se troba en Sobrepuerto, entre Sasa y Fandiello. En iste puesto encara bi ha pardina de Feners, de l'anyo 1929 y a ermita de Sant Marcos d'orichen romanico, reconstruyida en o sieglo XVII sobre lo que sería l'antiga ilesia parroquial d'o lugar. Comunica con Sobrarbe (municipio de Fiscal) a traviés d'o cuello de Feners (1332 m). Dica primerías d'o sieglo XX encara exixtiba una romería a la ermita de Sant Marcos que se feba o 25 d'abril y en a que feban parti bellas casas de Sasa y Fandiello.
ToponimiaEditar
Como o propio nombre indica iste toponimo ye o plural de "fener", o campo d'a on se quita o feno.[1]
HistoriaEditar
Se documenta que en 1279 istas tierras perteneixeban a l'arcedianato de Rava. A ilesia d'o lugar tenió a categoría de vicaría entre os sieglos XIII y XIV, pasando en o sieglo XVI a rectoría.
Igual que en atros lugars d'ista comarca y por orden de Chaime I d'Aragón, o día 8 de chunio de 1338, Exemén Pérez de Hueso, procurador d'os "obreros de la obra de Jhesu Nazareno de la Siet de Huesca" y o notario Ramón Pérez de Sant Vicient, vesitoron a parroquía de Feners pa replegar diners pa a construcción d'a seu de Santa María de Uesca. Sinyan como testigos de l'acto "Pero Vergua e García Latre, escuderos". O 2 de noviembre de 1402 se pasó atra vegada por a parroquia pa replegar más diners pa la seu, bosando en iste caso 15 sueldos chaqueses.
Jordán de Asso nombra a Feners entre os lugars desapareixius perteneixients a la circunscripción de Chaca, situando-lo entre Fanlo y Espín[2]. D'atra man Pascual Madoz diz que yera una pardina con un termín que s'estendillaba una hora de norte enta sud y que teneba una ermita y auguas de mala calidat. Os suyos monts cubiertos de selva serviban a os habitants de Ciellas.[3]
LeyendasEditar
Entre os habitants de Sasa y Fandiello se conserva o mito d'as viellas pervivients en relación a iste lugar. En iste caso yeran tres chirmanas que fuoron acullidas por as casas Ramón y Juan Domingo de Sasa y casa San Román de Fandiello. Asinas a propiedatz d'as tierras de Feners s'espartió a partis iguals entre istas tres casas[4].
Un atra versión recullida ista vegada por Enrique Satué diz que yerán nomás dos as mullers supervivients y que fuoron acullidas l'una en casa San Román de Fandiello y l'atra entre casa Ramón y casa Juan Domingo de Sasa, por lo que metat d'a pardina perteneixeba a la debantdita casa de Fandiello y as dos de Sasa teneban nomás un quarto cadaguna.[5]
ReferenciasEditar
- ↑ (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7
- ↑ (es) "Historia de la economía política de Aragón", Ignacio de Asso, Zaragoza, 1798. Reed. facs., Zaragoza, Guara, 1983, p. 182.
- ↑ (es) "Diccionario geográfico-estadístico-histórico...", Pascual Madoz, 1845-1850, ed. facs., Zaragoza, PRAMES, 1997, tomo "Huesca", p. 179.
- ↑ Andrés López, Sasa, 1998
- ↑ (es) "El Pirineo contado", Enrique Satué Oliván, Uesca, ed. de l'autor, 1995, p. 91.
| Lugars desapareixius d'o municipio de Yebra de Basa | |
|---|---|
| Arbisa | Bentayuelo | Feners |