Femero

(Reendrezau dende Femera)

Un femer/o u femera[1][2][3] ye un puesto a on que s'apila o fiemo ta favoreixer a putridera y a fermentación de a suya materia organica, y tamién a reducción quimica d'os acidos organicos (por l'acción d'os microrganismos) que d'unatra forma o farían masiau fuerte u dica toxico ta femar con ell. L'obchectivo final d'apilar o fiemo en o femero ye conseguir un fiemo con a calidat precisa ta fertilizar a tierra.

Un femero.

Ocasionalment, ta os femeros tamién se volan as pelas de fruita, uesos y belatras restas organicas de l'alimentación humana, y tamién a palla u a hierba puerca d'as quadras, o que s'achunta a la masa en putrefacción.

Anque tradicionalment os femeros tamién han arreplegau as restas de qualsiquier animal, como os cuerpos d'a fauna domestica menor muerta (gallinas, conillos, gatos, cans, etc.) en l'actualidat ye una prohibición regular en os países industrializaus y no se i puede arrullar garra animal, principalment por razons sanitarias. Os ditos cuerpos han d'estar destruius por atras vías.

Se veiga tamiénEditar

ReferenciasEditar

  1. (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.231
  2. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.29
  3. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de filología Nº 15, 2003, pp. 65-151, ISSN 0214-7602