Fayar de Malpás
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo Fayar de Malpás (en catalán ribagorzano Faiada de Maspás, en catalán estándard Faiada de Malpàs) ye un fayar de l'Alta Ribagorza situau en o paco d'o mont Malpás, cerca de Lo Pont de Suert y Viu de Llevata. Ye un buen eixemplo de fayar submediterranio y a saber-lo d'intresant porque se troba en una zona prou seca d'os Pireneus con pocos fayars.
Este fayar se localiza entre los 1250 y los 1700 m, dende lo plan de Montiberri dica las tucas. Ye repitiau en lo suyo cabo inferior por pinars de pin royo, y en las zonas baixas cercanas a lo rivet de Llevata por avellanerals. Ye posible que los avellanerals sigan una etapa de substitución d'antigas selvas mixtas submediterranias de freixeras, urmos de mont, tileros, diferents especie de caixicos, cereseras bordes, ecetra...
En los cinglos de lo Tozal del Casals bi ha carrascals rupicolas con buixo y restos de caixicars de Quercus humilis, que ye posible que sigan a vechetación potencial d'as costeras baixo los 1300-1400 de la val de la Noguera Ribagorzana.
Lo fayar de Malpás y lo de Mas d'en Gras que bi ha cerca tienen zonas poco espleitadas a meya costera con suelo profundo. Manimenos la importancia de lo buixo ye gran. Los acirons (Acer opalus) los tilers (Tilia platyphyllos), las moixeras (Sorbus aria) amaneixen a sobén con los fayos y son frecuents en las calveras la Senera (Amellanchier ovalis), la tintilaina (Viburnum lantana), Coronilla emerus u Cytisus sessilifolius, que se troban tamién en los caixicars de la redolada.
A tamas de lo suyo caracter submediterranio, en este fayar bi ha especies atlantico-centroeuropeas como Convallaria maialis, Helleborus viridis, Lilium martagon, Lonicera alpigena, Galium odoratum, Mercuriales perennis, etc....
Datos: Q13049026
Multimedia: La Faiada de Malpàs / Q13049026
