Estaus latinos d'Orient
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O termin Estaus latinos d'Orient fa referencia a los feudos que os liders cruzaus creyoron en tierras d'a Mediterrania Oriental dende os Balcans dica Siria y Palestina. O feudalismo s'enradigó entre fins d'o sieglo XI y fins d'o sieglo XIII.[1]
Cuatre d'éls fuoron creyaus en a primera cruzada:
- O Condau d'Edessa (1098-1146)
- O Principato d'Antioquía (1098-1268)
- O Condau de Trípol (1102-1288)
- O Reino de Cherusalem (1099-1291)
Anyos dimpués Ricardo Corazón de Lión conquere a isla de Chipre a un sinyor bizantín en a tercera cruzada y cede a isla a Guy de Lusignan qui i funda una monarquía:
- O Reino de Chipre (1192-1489)
Dimpués d'a caita de Costantinoble en o curso d'a cuatrena cruzada, fuoron fundaus uns cuantos estaus en tierras de l'Imperio Bizantín:
- L'Imperio Latino de Costantinoble (1204-1261)
- O Reino de Tesalonica (1205-1222)
- O Prencipau d'Acaya (1205-1428)
- O Ducau d'Atenas, dende 1205 dica 1458 (lista de duques), plegó a fer part d'a Corona d'Aragón
- O Ducau de Naxos (1210-1566)
O Krak d'os Caballers cayó en poder d'os mamelucos d'Echipto en l'anyo 1271, y Tartrus en 1291.[1]
A Orden d'o Hespital s'establió en Rodas y atras islas echeas en 1310 y permaneixioron dica que os otomans los forachitoron en l'anyo 1522. A presencia d'un gran mayestre d'orichen aragonés con gran intrés por a cultura clasica fació que s'escribisen en aragonés u se traducisen a l'aragonés un camatón de libros dende o griego, latín u francés on bi ha informacions sobre a historia d'estos estaus. Destaca o "Libro de los fechos et conquistas del principado de la Morea".
Referencias editar
- ↑ 1,0 1,1 José-Ramón Julià y atros: Atlas de Historia Universal. Tomo I. De los orígenes a las crisis del siglo XVII. Editorial Planeta. pp177
Bibliografía editar
- René Grousset "L'Empire du Levant : Histoire de la Question d'Orient", Paris, Payot, coll. « Bibliothèque historique », 1949 (réimpr. 1979), 648 p. (ISBN 2-228-12530-X)