Esquira

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

No s'ha d'entivocar con «esquila».

A esquira ye o proceso de tallar a lana cruda d'as uellas, que se fa tot d'una tongada por animal producindo un vellón. De regular se fa a la fin d'a primavera, cuan d'una atra manera, si no se les sacase, os animals comenzarían a «permudar» a lana; ixo ye, a perder a lana con clapas, lo que fería que o vellón ya no valese cosa.

Esquirando una uella.

A esquira a modo tradicional s'ha de fer con tiento porque se fa con estixeras que tallan bien a ran d'a piel y en cualsiquier inte se le puede fer un tallo a l'animal. As uellas son animals que chacen a sobén sobre o suyo fiemo propio, con que as feridas feitas en a esquira regular que se les infectan y pueden acarriar a muerte de l'animal. Por ixa razón se fa una división d'o treballo y a esquira d'os vellons les corresponde a os hombres adultos que tienen mas esperiencia.

O proceso d'esquirar o rabanyo d'una casa antes yera una fayena a-saber qué fatigosa, pos implicaba encorrer y chirar as uellas arredol d'a casa, zarrar-las en un corral u trancar con baranas una pleta u bel troz de carrera pa zarrar-las, esquirar, lavar os vellons pa sacar-les as zaforas, blanquiar-los... Por ixo, gosaba implicar a tots os miembros d'a familia y mesmo as diferents casas s'aduyaban entre ellas, prolargando a esquira de los uns y los atros entre toda una temporada, por lo que a mas de a dureza d'o treballo tamién feba honra pa socializar.

Se veiga tamién

• Lavau d'a lana.
• Cardau d'a lana.
• Filada.

Referencias

• Datos: Q261839
• Multimedia: Sheep shearing / Q261839