Abrir menú principal

Ernst Kaltenbrunner

Ernst Kaltenbrunner
Ernst Kaltenbrunner

Ernst Kaltenbrunner en os Chudicios de Nuremberg


Reichsadler Deutsches Reich (1935–1945).svg
Director d'a Oficina Central de Seguridat d'o Reich
30 de chinero de 1943 – 12 de mayo de 1945
President Adolf Hitler
Precedito por Reinhard Heydrich / Heinrich Himmler
Succedito por Dengún

30 de chinero de 1943 – 12 de mayo de 1945
Precedito por Arthur Nebe
Succedito por Florent Louwage
Naiximiento 4 d'octubre de 1903
Flag of Austria-Hungary (1869-1918).svg Ried im Innkreis (Imperio Austro-Hongaro, hue Alta Austria, Austria)
Muerte 16 d'octubre de 1946
Merchant flag of Germany (1946–1949).svg Nürnberg (Bavera, Alemanya)
Partito Nationalsozialistische Deutsche Arbeiterpartei
Conchuche Elisabeth Eder
Profesión Politico y advogato
Relichión Catolico

Ernst Kaltenbrunner, naixito de Ried im Innkreis (Imperio Austro-Hongaro, hue Alta Austria, Austria) o 4 d'octubre de 1903 y muerto executato o 16 d'octubre de 1946 en Nürnberg (Bavera, Alemanya) dimpués d'os Chudicios de Nuremberg, estió un advogato y politico austriaco con una important partecipación en o Tercer Reich alemán dimpués d'o Anschluss, en estar miembro d'as Schutzstaffel (u SS), con o ran de cheneral, y chefe d'a Gestapo, a prencipal organización policial d'o Tercer Reich.

Primeras anyadasEditar

Kaltenbrunner, que yera orichinario d'a mesma rechión d'Austria que Adolf Hitler, fació estudeyos de Dreito en a Universidat de Graz, en militando en ixas envueltas en grupos paramelitars austriacos partidarios de l'anexión d'Austria por Alemanya. Asinas, en 1930 se fació melitant d'o Nationalsozialistische Deutsche Arbeiterpartei y en 1931 d'as Schutzstaffel. Encara que antis d'o Anschluss yera nomás un informador en Austria d'o chefe d'as SS, Heinrich Himmler, Kaltenbrunner puyó a escape en a hierarquía nazi austriaca, y en 1934 fue engarcholato por as suyas actividatz por o Gubierno austriaco d'Engelbert Dollfuss, acusato d'alta traiduría, estando luego condenato a seis meses de garchola.

Dimpués d'o AnschlussEditar

Dimpués d'o Anschluss, l'anexión d'Austria por o Tercer Reich, Himmler nombró a Kaltenbrunner chefe d'as Schutzstaffel en l'antigo territorio austriaco.

En a guerraEditar

Dimpués de prencipiar a Segunda Guerra Mundial, o 30 de chinero de 1943, Kaltenbrunner fue nombrato chefe d'o Sicherheitsdienst u SD, o servicio d'información d'o Nationalsozialistische Deutsche Arbeiterpartei, establito en 1931 por Reinhard Heydrich, y tamién fue nombrato chefe d'a Reichssicherheitshauptamt u RSHA, a Policía de Seguredat alemana, sustituindo-ie a Heinrich Himmler, que asumiba ixas funcions dende l'asasinato de Reinhard Heydrich por a Resistencia checoslovaca en 1942 en Praga.

Teneba asinas a la suyas ordens a os Einsatzgruppen, responsables de más de 600.000 asasinatos en a retaguardia d'o Frente Oriental, y tamién a la Gestapo.

O 20 de chulio de 1944, quan l'atentato contra Hitler feito por Claus von Stauffenberg, Kaltenbrunner estió o investigador y responsable d'as detencions y execucions d'os conspiradors.

Final d'a guerraEditar

 
Ernst Kaltenbrunner en os Chudicios de Nuremberg.

En os zaguers días d'a Segunda Guerra Mundial, os treballadors de Viena facioron una sublevación contra o Tercer Reich antis de dentrar en a ciudat o Exercito Royo sovietico, y Hitler bi ninvió a Kaltenbrunner ta esclafar-la, encara que os sovieticos prenioron a ciudat antis de que Kaltenbrunner bi plegase. Ernst Kaltenbrunner decidió no tornar ta Berlín, que yera ya en plena batalla de Berlín, y partió ta os Alpes de Bavera, a on se deciba que as Schutzstaffel farían a zaguera resistencia a os Aliatos.

Feito preso en Alt-Aussee por o Exercito britanico o 15 de mayo de 1945, fue ninviato a o Reino Unito ta ser interrogato, estando acusato en os Chudicios de Nuremberg de crimens de guerra y crimens contra a humanidat. Kaltenbrunner bi negó toda responsabilidat, negando mesmo que a suya firma en os documentos fuese autentica. Sin d'embago, as fotografías d'o catalán Francisco Boix estioron decisivas ta contrimostrar as suyas vesitas a o campo de concentración de Mauthausen-Gusen. Condenato a muerte, fue enforcato o 16 d'octubre de 1946 en Nürnberg.

Vinclos externosEditar