Divisa

(Reendrezau dende Dibisa)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

A divisa (d'o latín divīsus, part. pas. de dividĕre, dividir) ye una unidat de cambeo que facilita a transferencia de biens y servicios. S'amuestra en forma de piezas metalicas, ditas monedas por un regular redondas u en forma de piezas de papel, ditas billez. También se presenta como «diners de plastico» (tarchetas de credito), como talons, cheques u pagarés, etc. O termin moneda u unidat monetaria fa referencia a la divisa propia d'o país, u d'o mercau monetario a o que perteneixe o país, ye decir, o metal u papel moneda emplegau pa obtener biens, productos u servicios adintro de l'ambito en que ha estau expediu por o suyo banco central.

Divisas

Se le diz divisa, por contra, cuan se refiere a una moneda, u unidat de cuenta, forana[1] u baixo sobiranía externa respecto a l'ambito con sobiranía propia[2] por a on circula a moneda y que se fa servir mas que mas pa o intercambio de biens y servicios entre países.

Seguntes s'expresa o Banco de Espanya[3], y atras entidaz[4], no han d'entibocar-sen con ello dos conceptos:

  • un cambeo de moneda ye a compravenda d'a moneda diferent a la propia pa usar-la en l'ambito cheografico a on se regula y emplega de forma parellana a la propia. Por eixemplo, en o país de destín, en caso d'un viache.
  • un cambeo de divisa, d'atra man, no suposa un movimiento fisico d'os diners. Por eixemplo, una transferencia recibida en dolars s'ingresa en a cuenta personal en a moneda correspondient, seguntes o país que siga (euros, pesos, sols, etc).

Por un regular, cada país tien establida, a o menos, una moneda oficial sobre o suyo territorio presentada baixo diferents medios de pago tamién de curso legal. Por contra, distintos países pueden:

Por motivos practicos, una divisa gosa tener subdivisions, legals u tradicionals : 1/1000 (os millimos d'o dinar tunecino), 1/100 (os eurocentimos de l'euro), 1/20, 1/10, 1/8, 1/4 (o cuarto de dólar nortamericano), etc.

Historia editar

 
O cambista y a suya muller, de Quentin Massys

Os diners como moneda han teniu o suyo protagonismo en o desenvolique d'as civilizacions basadas en o comercio dende fa cuantos milenios.

A tradición d'os cambistas va unida a la aparición d'os diners y d'a banca unidas a o comercio, como verdadero propiciador d'a profesión. Serán aspectos que iran chuntos mientres muitos sieglos. En especial, talment, será en a Europa medieval a on en a suya epoca d'explendor muitas ciudaz prencipien a cudir a suya propia moneda y asinas se prencipie a detectar una profesionalización d'iste treballo.[5]

Será en o zaguer tercio d'o sieglo XIX, con l'aparición d'o patrón oro[6] y d'a Unión Monetaria Latina[7], cuan se estableixcan oficialment as primera paridaz reguladas entre as divisas de cada país. O primero, en muitos casos, no sería de facto albandonau dica 1914[8].

En o período d'entreguerras ya no se pudo tornar a restaurar o sistema, entre muitas atras razons, por que muitas economías s'amuestraban fuertement desetabilizadas y porque a producción d'oro yera escasa[9]. En a decada de 1920, poco antis d'a Gran Depresión de 1929, yeran treinta y cuatro países os que heban adoptau o nuevo Patrón Cambeos Oro[10][11] . Con a crisi, mientres a decada de 1930, as condicions en Europa no amillorarían fendo que cuantos países albandonasen o Patrón Oro[12].

Caldría asperar a zaguerías d'a Segunda Guerra Mundial, a 1944, pa que se sinyasen os Alcuerdos de Bretton Woods d'os que surtirán o Fundo Monetario Internacional y o Banco Mundial con a finalidat de lograr a estabilidat d'os cambeos de divisas[13]. Como consecuencia d'a Guerra de Vietnam, se crebarán os alcuerdos en 1971. Dimpués de 1976, y d'a desaparición d'o sistema de cambeo fixo, o FMI prene un papel prencipal debant de países en desenvolique y crisis financieras internacionals.

Divisas contemporáneas editar

Ta más detalles, veyer l'articlo ISO 4217veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

As divisas fluctúan entre sí adintro d'o mercau monetario mundial. D'ista traza, se pueden estableixer distintos tipos de cambeo entre divisas que varían constantement en función de cuantas variables economicas como o creiximiento economico, a inflación, o consumo interno d'una nación, etc.

A relación d'o pre d'a moneda d'un país con respecto a atras, tamién dita cotización, pende d'os fluxos comercials y financiers entre os residents d'a zona d'ixa moneda con respecto a los d'as atras. As importacions de biens y servicios y a inversión en o extranchero determinan a demanda en divisas extracheras, mientres que as exportacions de biens, servicios y a inversión forana determinan a oferta d'a divisa extranchera en o puesto a on se trobe.

As divisas mas comunas que circulan en os mercaus internacionals son:[14] o dólar estausunidense, l'euro, o yen, a libra esterlina, o dólar australiano, o franco suizo, o yuan chino y o dólar canadiense.

Se veiga tamién editar

Referencias editar

  1. (es) Divisa - Definición. thefreedictionary.com
  2. (es) Divisas: ¿Qué son las divisas y para qué sirven?. 23 d'abril de 2019. https://www.tipo-de-cambio.com/
  3. (es) Cambio de moneda
  4. (es) Cambio de moneda y cambio de divisa (Global Exchange)
  5. (es) Los cambios de moneda en la Edad Media. 21 de marzo de 2019. Carlos Rodríguez Flores
  6. (es) García Ruiz, 1992, p. 58
  7. (es) García Ruiz, 1992, p. 59
  8. (es) García Ruiz, 1992, p. 60
  9. (es) García Ruiz, 1992, p. 67
  10. (es) García Ruiz, 1992, p. 69
  11. (es) Varela Parache, 1968, p. 87
  12. (es) García Ruiz, 1992, p. 69-70
  13. (es) Varela Parache, 1968, p. 92
  14. (es) Las diez monedas más utilizadas del mundo. 20 de mayo de 2016. LaVanguardia.com