Al-Muqtadir

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Al-Muqtadir احمد المقتدر بالله ابو جعفر
Rei d'a Taifa de Saraqusta
Rei d'a Taifa de Saraqusta
1046 - 1081
Predecesor	Sulaymán ben Hud al-Musta'in
Succesor	Al-Mutamán
Nombre real	أحمد المقتدر
Naixencia	?
Muerte	1081
Dinastía	Hudín

Abú Chafar Áhmad ibn Sulaymán al-Muqtadir Billah estió rei d'a taifa de Saraqusta entre 1046 y 1081.

Abú Cha'far 'Ahmad al-Muqtadir Billah, d'a dinastía d'os Banu Hud, lebó a la taifa de Zaragoza a lo suyo inte mas important politicament y cultural. Estió mecenas d'as ciencias, d'a filosofía e d'as artes. Fació construir o polito palacio de l'Alchafaría a on se reuniban importants intelectuals andalusís.

Al-Muqtadir consiguió achuntar baixo lo suyo mandato as tierras trestallatas dezaga l'herencio d'os dominios de Saraqusta de su pai Sulaymán banu Húd al-Musta'in dividito entre él y os suyos chirmans. Nomás Yusuf, gubernador de Leida, resistió mientres mas de trenta anyadas os intentos d'integración d'o suyo chirmán, dica que fue preso en 1078.

Estió lo periodo de mayor fuga d'a Taifa zaragozana, que, en a segunda metat d'o sieglo XI, nomás teneba como rival a la Sevilla d'Al-Mutamid. As suyas mugas plegoron dica o Mediterranio, cuan, dende 1076 reuniba baixo lo suyo dominio as taifas de Tortosa y de Denya, estando antimás lo rei d'a taifa de Valencia vasallo suyo.

Manimenos, a difícil situación de Zaragoza, menazata por o reino d'Aragón de Remiro I y Sancho Remíriz y con luitas continas por as tierras d'a extremadura navarra y castellana (Tudela, Soria, Guadalachara), obligaban tanto a Al-Muqtadir como a Yusuf de Leida a pagar parias a los suyos vecins cristianos, especialment a lo poderoso Alifonso VI de Castiella.

• Datos: Q2827454