Cumania
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Cumania ye una rechion historica d'Europa Oriental antigament habitata por os cumans, pueblo u confederación tribal d'orichen turquico que s'estendilló en os sieglos XI y XII por l'actual Cazaquistán, sud de Rusia, Ucraína, sud de Moldavia y l'este de Vlaquia. As mugas de Cumania han variato en función d'o punto de vista, y d'esta traza:
- As fuents bizantinas, rusas, cheorchianas, armenias, y persas designan con este termin sobre tot a estepa pontica;
- As fuents occidentals i veyeban sobre tot a Vlaquia oriental, sud de Moldavia y a Ucraína meridional, on se facioron os primers contactos entre os cumans y a cristiandad y on se producioron conversions nominals a lo catolicismo, creyando-se a Diocesi de Cumania.
O termin perdió a escape os suyo sentito de país etnico d'os cumans pa prener un sentito politico, y sobrevivió la perduga d'independencia d'os cumans:
- En Hongría, os refuchiatos cumans daron nombre a dos rechions ditas Kunság ("Cumania") en a gran plana panonica: Nagykunság ("Cumania la Gran") y Kiskunság ("Cumania la Chica"). En estas rechions os chumans preservoron a suya luenga y una part d'as suyas tradicions dica fa pocos sieglos.
- En Rumanía, una Diocesi de Cumania existió dica 1523, y fue creyata cuan os cumans d'a rechión se convirtioron a lo catolicismo en l'anyo 1227. Como sufragania de l'Arcebispato d'Esztergom, li permitió a lo rei Béla IV d'Hongría de prener o títol de "rei de Cumania" u Rex Cumaniae en 1228. Esta diocesi teneba a seu en Milcov, remató por incluir toz os catolicos d'a Tierra d'a Bârsa y de Muntenia de cualsiquier orichen etnico, y o termin cumán se convertió en a denominación d'os vlacos catolicos en oposición a los vlacos ortodoxos.
Mencions en fuents aragonesas
editarDependendo d'o libro u o parrafo "Cumania" puet designar una part u atra de l'antigo territorio que habitoron os cumans.
En "La Flor de las Ystorias d'Orient", de l'armenio frai Haitón se refieren sobre tot a las tierras esteparias d'o sud de Rusia, a lo nort d'o Caucas y d'Asia Central (estepa pontica), habitatas por os cumans, y li dedican un texto baixo o epigrafe "del Regno de Comania":
Comania es vno delos mayores regnos que sean enel mundo aq(ue)sta t(ier)ra es malament habitada por el grant destemprament dela t(ier)ra car algunas encontradas ay tan fridas que hombres ni bestias no y pueden beuir et otras encontradas ay que son tan calientes en estiu que ninguno no y puede durar por la grant calor et por las moscas que hi so(n) / aq(ue)lla t(ier)ra es toda plana mas no se faze nengun arbol de q(ue) hombre pueda obrar ni fer lenya sino en algunos lugares do ay algunos arbores plantados pora fer gardines grant partida de aquella gent habitan en tiendas et de fienda delas bestias fazen fuego / aquesta t(ier)ra de comania comarca deues orie(n)t con el regno de corasina et en partida con vn gra(n)t desierto deues ocçident comarca con la mar mayor et con la mar del regno deues septemtrion comarca con el Regno de Roussia et deues mig iour se stiende entro ha e(n) la mayor flumaria que hombre sapia en el mundo q(ue) es clamada Etill aq(ue)lla flumaria se yela cascun anyo et algunas vegadas esta todo el anyo yelado en tal manera q(ue) hombres et bestias hi passan desuso assi como farian Por t(ier)ra. Et en aq(ue)lla Ribera de aquel Rio se fazen algunos arbores chicos et dela otra part del Rio deues mig iour et deues ocçide(n)t muchas naciones de gentes qui non se cuentan del regno de Comania mas ellos so(n) obedientes al Rey de comania et son entorno de la montanya de Corcas que es muyt grant et alta açorres et otros auzeles de presa que nacen en aquella montanya todos blancos aquella mo(n)tanya de coquas es entre los mares es asaber la mar mayor que le es deues occident et la mar caspis que le es deues orient aquesta mar caspis no es semblant ala mar de greçia ni ala mar occiana antes es assi como estanyo mas por la su gra(n)deza es clamada mar por q(ue) aquesti es e(s)[l] mayor istanyo del mundo por q(ue) el tiene dela montanya de quoquas entro ha la fin del Regno de perssia et partese toda la tierra de asia en dos partes aq(ue)lla partida que es deues orient es clamada asia la pregona et la otra partida que es occident es clamada asia la mayor las aguas de aq(ue)lla mar son dulçes et hay grant habundancia de bue(n)os pexes et en aquella encontrada se troban bufles saluages et otras bestias assaz en aquella mar ha yslas do fan sus nidos muchos auzelles et senyaladament falcones peligrines et esmarles et otros auzelles que no se troban sino en aq(ue)llas yslas la mayor ciudat de aquell Regno de comania es clamada sarta la qual fue antiguament muy buena Ciudat mas los tartaos la han quasi toda gastada.
En bel caso como en o "Libro d'as Marabillas d'o Mundo" s'ha visto que se puet referir a la "Cumania Negra", a lo que dimpués será Moldavia y Vlaquia
