Crespiello de Carnaval

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Crespiellos

Crespiellos
Atras denominacions
Crespillos, crispillos, crispells
Orichen cheografico
Cocina: Gastronomía aragonesa
Orichen: Ribagorza y Sobrarbe, Aragón, Pallars, Catalunya
Se mincha en: Provincia de Uesca y provincia de Leida
Categoría: Repostería
Elaboración
Ingredients: Farina de trigo, aceite, uevos, leit, anís y zucre.
Preparación: Fritos y arrebozaus

Os crespiellos de Carnaval[1] u simplament crespiellos[2] u crespillos[3][4] (en catalán «crispells»[5]) son laminerías de masa feitas con farina de trigo, aceite, uevo, leit y anís que se fa freyir en aceite calent y dimpués, cuan se sacan, se fan rebozar en un plato de zucre pa que en quede cubiertos.

Son tipicos d'o Pirineu aragonés, mas que mas de as comarcas de Sobrarbe (a Fueva[3]) y Ribagorza[6] y tamién d'o Pirineu de Leida (Alta Ribagorza y Pallars[5]).

A masa tova, que se pilla con os didos y se mete en a sartén, cuan toca l'aceite bullindo se unfla y pilla aire que le fa la forma de boleta, parellano con un bunyuelo. Pa fer-los mas finos, tamién se pueden meter en l'aceite con a espumadera y alavez quedan mas planez.

Se'n mincha en as festividaz d'hibierno y de primavera, como Nadal,[3][4] Carnaval[4] y tamién en Semana Santa y Corpus.

En a literatura popular editar

Jean Joseph Saroïhandy replegó una composición popular en Espierba en l'anyo 1899 que se nombra os crespiellos:[7]


De Chisahues soi baixato

de crispillos m'an fartato
la farina enfarinata
la sarten amprata
la manteca furtata
la del boc prenyata

y la limosna' la lana.

Referencias editar

  1. (es) Crespillos dulces de Aragón, consultada o 19 de mayo de 021.
  2. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions, 2008. ISBN 978-84-8094-061-0
  3. 3,0 3,1 3,2 ROMANOS, Fernando y SÁNCHEZ, Fernando. L'Aragonés de A Fueba. Bocabulario y notas gramaticals. Consello d'a Fabla Aragonesa, 1999. ISBN 36-86036-68-2.
  4. 4,0 4,1 4,2 BADIA i MARGARIT, Antoni Maria, El habla del Valle de Bielsa (Pirineo aragonés). Edición d'Artur Quintana. Aladrada ediciones, 2015. ISBN 978-84-944335-5-9
  5. 5,0 5,1 RAMONEDA CARRERA, Rosa (coord.) et Alt. Aïna. Vocabulari temàtic del dialecte pallarès. Grup d'Estudis de Llengua i Literatura de Ponent i del Pirineu. 2007. ISBN 978-84-611-6843-9
  6. MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
  7. (es) Óscar Latas Alegre: Misión lingüística en el Alto Aragón, de Jean-Joseph Saroïhandy, Xordica-Prensas Universitarias de Zaragoza, 2005. p 151