Corz de Zaragoza (1702)
| Corz de Zaragoza 1702 | |
|---|---|
| |
| Seu de Zaragoza | |
| Información cheneral | |
| Puesto | Seu de Zaragoza |
| Ciudat |  Zaragoza
|
| Monarca | Felipe IV d'Aragón |
| Preside | María Loisa Gabriela de Saboya |
| Principals temas | |
| - Guerra de Succesión | |
| Corz d'o Reino d'Aragón | |
| Anteriors | Posteriors |
| Zaragoza 1684-1686 | No n'i hai |
Mapa
| |
  | |
As Corz de Zaragoza de 1702 estioron as zagueras Corz d'o Reino d'Aragón convocadas mientres a Guerra de Succesión Espanyola y presididas por a reina María Loisa Gabriela de Saboya, consort de Felipe V de Borbón, un d'os dos pretendients a o reino. O feito de que estase a reina consort, y no o rei titular, qui churase os fueros d'Aragón en a Seu de Zaragoza, fació que os aragoneses anyos dimpués considerasen que no teneban obligación d'estar fidels a él[1].
As Corz heban estau convocadas por Felipe de Borbón dende a ciudat de Barcelona o 13 d'octubre de 1701 con a ideya de celebrar-se o 3 de noviembre d'ixe mesmo anyo. Dimpués d'una nueva convocatoria o 5 d'aviento de 1701 pa celebrar-se as Corz en Monzón o 16 d'aviento, tornó a ninviar-se un atra nueva pa o 18 de marzo de 1702 en Zaragoza. Como o día 24 d'ixe mes a reina encara no yera arribada ta la capital[2], se prolargoron dica o 26 d'abril, cuan a la fin s'engueroron[3]. Rematoron o 16 de chunio de 1702 en Zaragoza.
Cuestions tractadas editar
En istas Corz a reina tractaba d'atrayer a os aragoneses a o bando d'o suyo mariu, o duque d'Anchú. A ufierta d'o candidato a la cadiera reyal yera d'entregar a o reino d'Aragón os territorios situaus entre os ríos Noguera Ribagorzana y Cinca, Leida, Tortosa y todas as tierras catalanas situadas a o sud de l'Ebro. Manimenos en rematar a guerra aplicó en 1707 os Decretos de Nueva Planta a Aragón, suprimindo os fueros y as corz de Aragón sin cumplir denguna d'as suyas promesas territorials.
Referencias editar
- ↑ (es) El amor y el Derecho civil aragonés. Carmen Bayod López. Lección inaugural del curso 2009-2010 de la Universidad de la Experiencia de Zaragoza.
- ↑ (es) La visita de la reina María Luisa de Saboya. Alma Mater Museum. 24 d'abril de 2018
- ↑ (es) Colección de Cortes de los antiguos Reinos de España. Real Academia de Historia. José Rodriguez, 1833, Madrit
Vinclos externos editar
- (es) Las últimas Cortes de Aragón. Historia de Aragón. Santiago Navascués Alcay. 15 de chunio de 2017.
| Predecesor: Corz de Zaragoza (1684-1686) |
Corz d'o Reino d'Aragón Corz de Zaragoza (1702) |
Succesor: No n'i hai |