Corz de Tamarit de Litera (1375)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Corz de Tamarit de Litera 1375
Ilesia de Santa María la Mayor
Información cheneral
Puesto	Ilesia de Santa María la Mayor
Ciudat	Tamarit de Litera
Monarca	Pero IV d'Aragón
Principals temas
- Guerra d'os Dos Peros
Corz d'o Reino d'Aragón
Anteriors	Posteriors
Casp-Alcanyiz-Zaragoza 1371-1372	Monzón 1376
Mapa
Situación en Aragón

As Corz de Tamarit de Litera de 1375 estioron unas Corz d'o Reino d'Aragón celebradas en a villa de Tamarit de Litera y convocadas por o rei Pero IV d'Aragón o 22 de chinero d'ixe anyo dende a ciudat de Leida.

S'ubrioron as primeras sesions o día 19 de febrero en a ilesia de Santa María la Mayor. As zagueras sesions se celebraban o 13 de marzo d'o mesmo anyo.

O motivo d'a convocatoria d'istas corz estió a necesidad d'organizar a esfensa contra os suyos enemigos que menazaban o reino y a Corona en a Guerra d'os Dos Peros, reclamando l'aduya d'os brazos.

Pertenencia de Fraga a Aragón

En istas Corz o brazo d'as universidaz presenta agrevios en relación a la a pertenencia de Fraga a o reino d'Aragón. Se afirma que:

[...] la villa de Fraga con su termino sta segunt que yes poblada a fuero de Aragon por concessiones, privilegios et conffirmaciones de los senyores reyes antepassados et por vos, senyor, agora regnant conffirmados, et por aquesto et alia antigament fue et yes del regno de Aragon et ha moneda de Aragon et los homes de aquella son alegrados et se alegran de los privilegios, libertades, usos et costumnes del regno de Aragon, et son ajustados en las convocatorias de las Cortes del regno de Aragon [...]

Manimenos en os zaguers tiempos se yeran aplicando usaches de Catalunya en a dita villa de Fraga, en contra d'o fuero d'Aragón:

Et agora nuevament el senyor rey ha feyto cridar et publicar dentro en la dita villa el usage de Barcelona que es dita Prínceps namque compotando de Catalunya a los homes de la dita villa, et comprenden aquella et su termino et los homes en huest et composiciones et otras ordinaciones del principado de Catalunya, et ha citado los ditos homes a las Cortes de Catalunya [...] Las cuales cosas todas ensemble son feytas contra fuero, privilegio, libertades, usos, costumpnes del regno et encara de la dita villa.

O rei confirma l'adscripción de Fraga a o reino d'Aragón y l'uso d'os suyos fueros:

Respon lo senyor rey que certa cosa yes que la universidat de Fraga es poblada por privilegi a fur d'Arago et d'aquel ha usat per tots temps. Et plau al senyor rey que aquel li sia observat et aquel observen en temps sdevenidor axi complidament com antigament han observat. Cuant a aço qui toca possessio, axi com de contribucions et altres coses contengudes en la suplicacio, plau al senyor rey que los de Arago usen de tota aquella possessio que han acostumat de usar tro al dia de huey et revoca totas cuals sevol coses feytas en contrari.

Autoridaz

Apareixen nombraus en as actas d'istas corz l'arcebispe de Zaragoza Lope Ferrández de Luna y o Chusticia d'Aragón Domingo Ximénez Cerdán.

Vinclos externos

• (es) Actas d'as Corz de Tamarit de Litera de 1375
• (es) Antonio de Capmany de Montpalau y Surís: Colección de córtes de los antiguos reinos de España. Academia de la Historia, 1853.

Predecesor: Corz de Casp-Alcanyiz-Zaragoza (1371-1372)

Corz d'o Reino d'Aragón Corz de Tamarit de Litera (1375)

Succesor: Corz de Monzón (1376)