Biquipedia

Corz de Monzón (1388-1389)

(Reendrezau dende Cortz de Monzón (1388-1389))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Corz de Monzón
1388-1389
Sala Capitular d'o castiello de Monzón
Información cheneral
Puesto Castiello de Monzón
Ciudat Monzón
Monarca Chuan I d'Aragón
Principals temas
- Menaza d'invasión de Chuan III d'Armanyac
- Revueltas en Cerdenya
- Publicación de fueros en Aragón
Corz Chenerals
Anteriors Posteriors
Monzón-Tamarit-Fraga 1383-1384 Monzón 1435-1436
Corz d'o Reino d'Aragón
Anteriors Posteriors
Monzón-Tamarit-Fraga 1383-1384 Monzón 1390
Corz Catalanas
Anteriors Posteriors
Barcelona 1379 Barcelona 1409
Corz d'o Reino de Valencia
Anteriors Posteriors
Monzón-Tamarit-Fraga 1383-1384 Segorb-Castellón-Valencia 1401-1407
Mapa
Situación en Aragón

As Corz de Monzón de 1388-1389 estioron unas Corz Chenerals d'Aragón que fuoron convocadas por Chuan I d'Aragón dende a ciudat de Zaragoza o 7 de setiembre de 1388,[1] pa celebrar-se o 3 de noviembre en Monzón,[2][3] encara que fuoron posposadas dica o 13 de noviembre, cuan o rei presenta a proposición a on expresa a suya intención de recautar d'os presents consello y aduya. Rematarán, sin una zarradura solemne y con una prolarga de dos meses que nunca no se ferá, l'1 d'aviento de 1389.[4]

Cuestions tractadas

editar

Chuan I propone, d'una man, l'aprebación d'unas constitucions que modificaban o sistema d'administración de chusticia y a organización d'a suya casa, y d'atra, demanda a concesión de subsidios pa fer cara a las revueltas sardas y a la imminent invasión de Catalunya que yera parando Chuan III, conte d'Armanyac.[4]

As negociacions pa aconseguir un alcuerdo sobre la Ordinación d'a chusticia aduran mientres tot o periodo de sesions d'as corz. Asinas, cuatre meses dimpués d'a propuesta inicial d'o rei, as corts presentan un atra dita Nueva ordinación d'a chusticia futura. As dos propuestas mantienen os suyos partidarios y detractors, y as negociacions, cuasi crebadas o mes d'octubre de 1389, en zaguerías d'o mesmo mes quedan zarradas con un alcuerdo.[5] L'arcebispe de Zaragoza escribiba:

El senyor rey a supplicacion de algunos braços e singulares de vosotros qui le ofrecieron dar la respuesta de la ordinacion de la justicia por aquesta hora, yes venido aquí por recebir aquella
Actas d'as Corz de Monzón, 12-III-1389

En as actas se reculle como o sindico de Zaragoza, Sancho Aznar de Gardeny, demanda a o rei a traducción d'o texto d'a reforma a l'aragonés pa poder entender-lo millor:

Que como por el regno de Aragon fuesse la dita justicia ordenada en lengua aragonesa por tal que los del dito regno de Aragon aquella mellor entendiessen e la de suso dita fuesse en lengua cathalana e en aquella e en esta no oviesse una palaura mas ne menos, no oviessen alguna differencia sino en la lengua, supplico al dito senyor rey que fuesse su merce de mandar fazer oblitera en la dita justicia en lengua aragonesa ordenada e de dar licencia que se podiesse continuar en el proceso del justicia d'Aragon en la dita lengua aragonesa
Actas d'as Corz de Monzón, 12-III-1389

Debant d'a propuesta reyal de prolargar as Corz difuera d'o Reino d'Aragón os comisionaus aragoneses entregan a o rei una cedula negando ista posibilidat:

Muyt alto e muyt excellent princep e poderoso senyor [...] respondiendo a ciertas cominaciones e sollicitaciones por la vostra senyoria a la Cort feytas, por las cuales la vostra senyoria mandava que sen avenniessen de un lugar covinent do la dita Cort podiesse seyer mudada e continuada por algunas razones por vos posadas [...] las Cortes generales que vostros predecessores han celebrado en las cuales vos, senyor, de present celebrades, son venidos e celebradas e se tienen e se celebran dentro del regno de Aragon, e cada que se han havido a mudar e continuar se son mudadas e continuadas en lugar dentro del regno de Aragon.
Actas d'as Corz de Monzón, 14-XI-1389

Corz d'Aragón

editar

O 25 de noviembre de 1389[6] s'apreban una serie de capítols u fueros, o mas important sobre l'oficio d'o Chusticia d'Aragón, mientres que os atros tractan sobre os contenedors de vin y aceite, os proxenetas, os dreitos de viduidat, as impugnacions d'os litichios, o exilio, as liberacions y os salvoconduitos, as taxas d'as escrituras chudicials y extrachudicials, y que os oficials reyals sigan aragoneses.[7]

Istas corz trigan una Deputación pa chestionar os suyos alcuerdos en materia fiscal, y la nombran dica a convocatoria d'as siguients corz.[8]

Referencias

editar
  1. ↑ Udina Martorell 1985: p. 1438.
  2. ↑ Companys i Farrerons 1999: p. 29.
  3. ↑ Zurita 1610: fol. 394r.
  4. ↑ 4,0 4,1 Solrach 1981: p. 773.
  5. ↑ Español Solana 2013: pp. 19-20.
  6. ↑ En a decumentació conservada indica l'anyo 1390, calendata clarament erronia.
  7. ↑ Fori regni Aragonum 1496: fols. 81v-85v.
  8. ↑ Zulaica Palacios 1990: p. 54.

Vinclos externos

editar

Predecesor:
Corz de Monzón-Tamarit de Litera-Fraga (1383-1384) 		Corz Chenerals d'Aragón
Corz de Monzón (1388-1389) 		Succesor:
Corz de Monzón (1435-1436)
Predecesor:
Corz de Monzón-Tamarit de Litera-Fraga (1383-1384) 		Corz d'o Reino d'Aragón
Corz de Monzón (1388-1389) 		Succesor:
Corz de Monzón (1390)
Predecesor:
Corz de Monzón-Tamarit de Litera-Fraga (1383-1384) 		Corz Catalanas
Corz de Monzón (1388-1389) 		Succesor:
Corz de Barcelona (1409)
Predecesor:
Corz de Monzón-Tamarit de Litera-Fraga (1383-1384) 		Corz d'o Reino de Valencia
Corz de Monzón (1388-1389) 		Succesor:
Corz de Segorb-Castellón-Valencia (1401-1407)


Obteniu de "https://an.wikipedia.org/w/index.php?title=Corz_de_Monzón_(1388-1389)&oldid=2192352"