Coltan
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Coltán | ||
|---|---|---|
| ||
| Categoría: | Oxidos | |
| Clase: | 4.DB.35 | |
| Color: | Negro | |
| Lustre: | Metalico | |
| Transparencia: | Opaco | |
| Sistema cristalín: | Ortorrombico | |
O Coltán —tamién clamau, y en o suyo orichen, Coltan— ye una mescla isomorfa u solución solida entre os minerals minerals columbita y tantalita, de color negra. O coltan no ye una denominación cientifica que se corresponda con un intervalo d'a serie isomorfa d'estas mesclas en concreto. A denominación corresponde a la contracción d'o nombre de dos minerals bien conoixius: a columbita (COL), oxido de niobio con fierro y manganeso (Fe, Mn) Nb2U6 y a tantalita (TANT), oxido de tantalo con fierro y manganeso (Fe, Mn) Ta2U6. Ye decir que os dos minerals se combinan en proporcions no definidas. O coltán ye relativament escaso en a naturaleza y ye un claro eixemplo de materials que han pasau d'estar consideraus simplas curiosidaz mineralochicas a estratechicos ta l'abance tecnolochico a causa d'as suyas aplicacions. Ye utilizau en cuasi a totalidat de dispositivos electronicos.
L'intrés d'a explotación d'o coltán se basa fundamentalment en poder extrayer-ne o tantalio, por tanto, a valor d'o coltán dependerá d'o porcentaje de tantalita −normalment entre un 20% y un 40%− y o porcentache d'oxido de tantalio conteniu en a tantalita −que puede estar arredol d'o 10% y o 60%.
Por lo que fa a las prencipals reservas, trobamos dos posicions contrarias de tot sobre án se sitúan as mayors reservas de coltán en o mundo. A posición mas acceptada ye en Africa, concretament a o este d'a Republica Democratica d'o Congo (RDC), se troban o 80% d'as reservas mundials de coltán. Por unatra parte, seguntes un estudio d'o Tantalum-Niobium International Study Center, las reservas mundials en a RDC serían tasament d'arredol d'o 9% y no d'o 80%. An que sí coinciden toz ye que Australia, Brasil, Canadá, China y cualques países africanos como a propia RDC, Ruanda, Burundi y Etiopía son os mayors productors de coltán −paradoxalment Ruanda ye un d'os prencipals productors manimenos no tener reservas de coltán. Rusia tamién ye rico en iste recurso, encara que os suyos depositos no han estau espleitaus encara, que se sepa.
A extracción de coltán ye motivo de conflictos cheopoliticos, mas que mas en o Congo, an que s'entremezclan os intreses d'o Estau y os países mugants, as guerrillas que operan en a rechión, as multinacionals occidentals y os contrabandistas. Seguntes informes d'achencias internacionals de prensa y Nacions Unidas, a exportación de coltán ha aduyau a financiar a cuantos bandos d'a Segunda Guerra d'o Congo, un conflicto que ha resultau con un balanz aproximau de mas de 6 millons de muertos, como tamién ha serviu a cualques guerrillas colombianas an que existe o mesmo problema. Ruanda y Uganda son actualment exportando coltán furtau d'o Congo a Occident, prencipalment a os Estaus Unius, an que s'utiliza cuasi exclusivament en a fabricación de condensadors electroliticos de tantalio.
Datos: Q518713
Multimedia: Columbite-Tantalite / Q518713
